Mei Jones

Oddi ar Wicipedia
Jump to navigation Jump to search
Mei Jones
Ganwyd Henryd Myrddin Jones Edit this on Wikidata
Chwefror 1953 Edit this on Wikidata
Dinasyddiaeth Baner Cymru Cymru
Alma mater
Galwedigaeth actor teledu, sgriptiwr, actor llwyfan Edit this on Wikidata

Actor ac awdur o Gymro ydy Mei Jones (ganwyd Chwefror 1953).[1] Mae'n adnabyddus am ei ran fel Wali Thomas yn nghyfresi teledu C'mon Midffild!.

Wedi i losgiadau tai haf ddechrau yn 1979, a'r heddlu yn rhwystredig oherwydd eu hymdrechion aflwyddiannus i ddal y rhai oedd yn gyfrifol, arestiwyd Mei Jones ynghyd â'i gyd-aelod o gast C'mon Midffild!, Bryn Fôn yn 1990.[2] Ni ddygwyd unrhyw gyhuddiadau yn eu herbyn.

Bywyd cynnar[golygu | golygu cod y dudalen]

Magwyd Henryd Myrddin Jones yn Llanddona, Ynys Môn. Yn blentyn roedd yn bêl-droediwr talentog a chafodd ei dderbyn i garfan dan-18 Cymru tra'n dal yn ddisgybl ysgol. Bu'n chwarae i dîm Biwmares, Amlwch, Bangor ac yn gôl-geidwad i dîm Llanrug.[3] Bu'n chwarae i glwb pêl-droed Pontrhydfendigaid yn ystod ei ddyddiau coleg yn Aberystwyth.[4]

Yn ei gyfnod yng Ngholeg y Brifysgol, Aberystwyth, daeth yn un o aelodau gwreiddiol y grŵp Mynediad am Ddim.

Gyrfa[golygu | golygu cod y dudalen]

Mae wedi bod yn actio, sgriptio a chyfarwyddo ers 1976. Dechreuodd ei yrfa gyda Chwmni Theatr Cymru cyn dod yn un o aelodau cyntaf Theatr Bara Caws. Ar y radio, bu’n rhan o dîm Pupur a Halen ac Wythnos i’w Anghofio, ac yna fe sgriptiodd, actiodd a chyfarwyddodd wyth cyfres, un ffilm a sioe lwyfan o C'mon Midffild!. Enillodd wobr 'Yr Awdur Gorau Ar Gyfer Y Sgrin - Cymreig' BAFTA Cymru ar gyfer C'mon Midffild! yn 1992.[5]

Yn ystod yr 1980au bu'n actio mewn sawl cyfres ddrama yn cynnwys Wastad Ar Y Tu Fas, Hufen a Moch Bach, Anturiaethau Dic Preifat ac Wyn i'r Lladdfa. Sgriptiodd y cyfresi drama Deryn a Cerddwn Ymlaen ar y cyd gyda Meic Povey.[6]

Yn 2008 fe’i comisiynwyd i ysgrifennu drama gomedi o’r enw Planed Patagonia [7]

Roedd hefyd yn un o'r Jonesiaid a dorrodd record y byd Jones Jones Jones am gasglu ynghyd y nifer fwyaf o bobl yn rhannu’r un cyfenw yng Nghanolfan y Mileniwm yn 2006, gan fod yn un o 1,224 Jones a gymerodd ran.[8]

Cyfeiriadau[golygu | golygu cod y dudalen]

  1. "Index entry". FreeBMD. ONS. Cyrchwyd 20 Rhagfyr 2018.
  2. 25 years later... why have we still not caught the cottage burners?, Daily Post 9 Rhagfyr 2004
  3. "Trafod tictacs gyda Wali; Caron Wyn Edwards fu'n sgwrsio a Mei Jones, awdur y ffilm Nadolig, C'mon Midffild a Rasbrijam, a'r actor sy'n chwarae Wali.", Daily Post, 18 Rhagfyr 2004.
  4. "Clwb pêl-droed yn dathlu 60", bbc.co.uk, 11 Mehefin 2007.
  5. Enillwyr gwobrau Nant
  6. Conwy Urdd to kick off with Saturday prom night , Daily Post, 21 Mai 2008. Cyrchwyd ar 20 Rhagfyr 2018.
  7.  Cwrs Sgwennu Comedi : Ty Newydd (5 Chwefror 2008). Adalwyd ar 20 Rhagfyr 2018.
  8. 'Darlledu Sioe’r Jonesiaid a Dorrodd Record Byd' 26 Tachwedd 2006 S4C

Dolenni allanol[golygu | golygu cod y dudalen]