Dmitri Shostakovich
Cyfansoddwr a phianydd o Rwsia oedd Dmitri Dmitriyevich Shostakovich (Rwsieg: 
Дми́трий Дми́триевич Шостако́вич (cymorth·info), tr. Dmitriy Dmitrievich Shostakovich; (25 Medi, 1906 – 9 Awst, 1975); roedd hefyd yn ŵr adnabyddus a dylanwadol ym myd cerddoriaeth ei oes.[1] Cafodd ei eni yn St Petersburg.
Derbyniodd glod gan yr Undeb Sofietaidd a nawdd gan un o brif arweinwyr y fyddin, Mikhail Tukhachevsky, ond ymhen hir a hwyr cymhlethodd ei berthynas gyda'r fyddin a'r llywodraeth. Er gwaetha hyn parhaodd i dderbyn llawer o wobrwyon a gwasanaethodd yn yr "Uwch Sofiet Ffederasiwn Rwsia" (neu'r SFSR; Rwsieg: Верховный Совет РСФСР
Верховный Совет Российской Федерации) ac "Uwch Sofiet yr Undeb Sofietaidd" o 1962 hyd at ei farwolaeth yn 1962.
Ei gerddoriaeth[golygu | golygu cod y dudalen]
Yn fras, gellir dweud fod ei arddull yn ymgorffori nifer o wahanol leisiau a thechnegau amrywiol. Mae ei gerddoriaeth yn llawn cyferbyniadau amlwg, elfenau o arddull grotesg a thonyddiaeth amrywiol. Dylanwadwyd arno gan yr arddull neo-glasurol a ddefnyddiwyd gan Igor Stravinsky a hefyd gan ôl-Ramantiaeth - y math a gysylltir gyda Gustav Mahler.
Mae ei weithiau cerddorfaol yn cynnwys 15 symffoni a 6 concerti. Mae ei weithiau siambr yn cynnwys 15 pedwarawd llinynnol, pumawd piano, 2 driawd piano a 2 ddarn ar gyfer wythawd llinynnol. Mae ei weithiau piano'n cynnwys dau sonata i unigolyn, casgliad o breliwdau a chasgliad diweddarach o 24 preliwd a ffiwgiau. Ceir hefyd tair opera, cylchoedd o ganeuon, balletau a chryn lawer o gerddoriaeth ffilm e.e. Yr Echelon Cyntaf (Rwsieg: Первый эшелон; 1955–1956), neu'r casgliad y sgwennwyd ar gyfer The Gadfly.[2][3]
Cyfeiriadau[golygu | golygu cod y dudalen]
- ↑ David Fanning. "Shostakovich, Dmitry", Grove Music Online, Oxford Music Online, Oxford University Press, adalwyd 2014 (angen tanysgrifiad)
- ↑ "Pervyy eshelon (1957)". Internet Movie Database. 2014. http://www.imdb.com/title/tt0048482/?ref_=fn_al_tt_1. Adalwyd 2014.
- ↑ "THE FIRST ECHELON (1956) - TCM CLASSIC FILM UNION Video". Fan.tcm.com. 2013. http://fan.tcm.com/_THE-FIRST-ECHELON-1956/video/1715449/66470.html?createPassive=true. Adalwyd 2014.
|
