Castell Bodyddon

Oddi ar Wicipedia
(Ailgyfeiriad o Bodyddon)
Castell Bodyddon
Mathardal Edit this on Wikidata
Daearyddiaeth
SirPowys
GwladBaner Cymru Cymru

Un o gestyll tywysogion Powys oedd Castell Bodyddon. Mae ei hanes yn ansicr ac ni wyddom pryd cafodd ei godi.

Codwyd y castell ger pentref Llanfyllin, Powys. Castell mwnt a beili pur sylweddol oedd Castell Bodyddon. Mae'n debyg mai Tomen yr Allt, tua milltir a hanner o Lanfyllin, oedd y safle.

Erbyn y 1250au roedd y castell ym meddiant Gruffudd ap Gwenwynwyn, mab y tywysog Gwenwynwyn ab Owain, sefydlydd Powys Wenwynwyn. Fel ei dad o'i flaen mewn perthynas â Llywelyn Fawr, roedd elyniaeth rhwng Gruffudd a Llywelyn ap Gruffudd, Tywysog Gwynedd a Chymru. Pan ymgyngreiriodd Gruffudd â'r Goron Seisnig yn erbyn Llywelyn, cyrchodd yr olaf i Bowys yn 1257 a dinistriodd Gastell Bodyddon. Cymerodd Llywelyn feddiant ar diroedd Gruffudd a ffôdd i alltudiaeth. Dychwelodd Gruffudd yn 1263. Talodd wrogaeth i Lywelyn a dychwelwyd ei diroedd iddo ond ni cheir cyfeiriad arall at y castell.

Ffynonellau[golygu | golygu cod]

  • Paul R. Davies, Castles of the Welsh Princes (Abertawe, 1988)