Betsan Powys

Oddi ar Wicipedia
Neidio i: llywio, chwilio
Betsan Powys
Betsan Powys 2012.jpg
Betsan Powys yn 2012
Ganwyd Betsan Powys Evans
Awst 1965
Caerdydd Baner Cymru Cymru
Addysg Prifysgol Aberystwyth, Coleg yr Iesu, Rhydychen
Cyflogwr BBC Cymru
Galwedigaeth Golygydd, newyddiadurwr, cyflwynydd teledu

Newyddiadurwraig Cymreig yw Betsan Powys (ganwyd Awst 1965),[1] sydd yn olygydd BBC Radio Cymru ar hyn o bryd.

Bywyd cynnar[golygu | golygu cod y dudalen]

Ganwyd yng Nghaerdydd ond symudodd y teulu i Fangor pan ddaeth ei thad, y gweinidog a darlledwr R. Alun Evans, yn bennaeth y BBC yno.[2] Graddiodd mewn Almaeneg a Drama o Brifysgol Aberystwyth cyn gwneud MLitt yng Ngholeg yr Iesu, Rhydychen.

Gyrfa[golygu | golygu cod y dudalen]

Ymunodd Powys â BBC Cymru fel newyddiadurwraig hyfforddedig ym 1989, cyn ymuno â'r ystafell newyddion yng Nghaerdydd fel gohebydd dwy-ieithog aml-gyfryngau. Symudodd i adrodd materion cyfoes ym 1994, gan adrodd fel gohebydd cudd.[3]

Dechreuodd Powys gyflwyno ar raglen Newyddion Cymraeg S4C, fel y prif ohebydd materion cyfoes Ewrop yn y gyfres Ewropa, ac ymunodd â Huw Edwards i gyflwyno rhaglenni arbennig yr etholiadau yn y Deyrnas Unedig. Daeth nôl o Lundain i Gaerdydd i weithio i BBC Cymru a magu ei phlant yn Gymraeg cyn ei phenodi'n Olygydd Gwleidyddol BBC Cymru yn 2006. [2]

Ar 1 Gorffennaf 2013, cychwynnodd Betsan Powys ar ei swydd newydd fel Golygydd BBC Radio Cymru.

Cyfeiriadau[golygu | golygu cod y dudalen]

  1. (Saesneg) Manylion cyfarwyddwr Ty'r Cwmniau. Adalwyd ar 2 Chwefror 2016.
  2. 2.0 2.1  Holi ac ateb: Betsan Powys am "fynd amdani" (5 Gorffennaf 2013). Adalwyd ar 2 Chwefror 2016.
  3.  Betsan Powys. BBC Question Time (2003-09-17).

Dolenni allanol[golygu | golygu cod y dudalen]