Afon Glaslyn

Oddi ar Wicipedia
Jump to navigation Jump to search
Afon Glaslyn
Aberglaslyn Pass.jpg
Afon Glaslyn yn llifo i lawr o Feddgelert trwy Fwlch Aberglaslyn
Math Afon Edit this on Wikidata
Daearyddiaeth
Sir Gwynedd Edit this on Wikidata
Gwlad Baner Cymru Cymru
Cyfesurynnau 52.92°N 4.12°W Edit this on Wikidata
Tarddiad Llyn Glaslyn Edit this on Wikidata
Aber Llyn Llydaw Edit this on Wikidata
Llednentydd Afon Colwyn Edit this on Wikidata
Hyd 26 cilometr Edit this on Wikidata
Llynnoedd Llyn Llydaw Edit this on Wikidata

Mae Afon Glaslyn yn afon yng Ngwynedd yng ngogledd-orllewin Cymru. Ei hyd yw 16 milltir.

Mae'n tarddu yn Llyn Glaslyn yn uchel ar lethrau'r Wyddfa yn Eryri. Mae nifer o nentydd yn ymuno a hi o gwmpas yr Wyddfa, megis Nant Trawsnant, sy'n tarddu o Pen y Pass, a Nant Cynnydd. Llifa'r afon trwy ddau lyn, Llyn Gwynant a Llyn Dinas cyn cyrraedd pentref Beddgelert, lle mae Afon Colwyn yn ymuno a hi ynghanol y pentref. Wedi llifo hebio bedd (honedig) Gelert, ci hela Llywelyn Fawr, mae'r afon yn cyrraedd Aberglaslyn, lle mae'n llifo'n gyflym trwy geunant gul Bwlch Aberglaslyn.

Ar ôl Pont Aberglaslyn mae'r afon yn llifo yn llawer arafach trwy diroedd gwastad Y Traeth Mawr cyn cyrraedd Tremadog a chyrraedd y môr ym Mhorthmadog. Ar un adeg yr oedd yr afon yn cyrraedd y môr yn Aberglaslyn, hyd nes adeiladwyd y Cob ym Mhorthmadog i ad-ennill y tir ar gyfer amaethyddiaeth. Dyna pam y gelwir y lle yn Draeth Mawr. Ym Mhorthmadog mae'r afon yn rhedeg trwy ddorau sy'n rheoli'r llif ac yn aberu ym Mae Tremadog ar ôl croesi'r Traeth Bach.

Comin Wikimedia
Mae gan Gomin Wikimedia
gyfryngau sy'n berthnasol i: