Ysgol Gymraeg yr Urdd

Oddi ar Wicipedia
Neidio i: llywio, chwilio

Ysgol gynradd Gymraeg yn Aberystwyth ydy Ysgol Gymraeg yr Urdd, neu Ysgol Gymraeg Aberystwyth fel adnabyddir hi heddiw.

Hanes[golygu]

Fe'i sefydlwyd gan Syr Ifan ab Owen Edwards ym 1939 fel ysgol breifat, a chodwyd tâl o 4 gini y tymor.[1] Agorwyd yr ysgol yn mis Medi 1939 dan nawdd Urdd Gobaith Cymru. Y brifathrawes oedd Norah Isaac, a gyflogwyd am £160 y flwyddyn. Saith disgybl oedd yn ei mynychu i ddechrau: Owen Edwards, Non Gwynn, James Jenkin, Daniel G. Jones, John Wyn Meredith, John Parry a Ruth Thomas. Tyfodd nifer y plant yn gyson: 17 yn 1940, 32 yn 1942, a 56 yn 1944.

Bu ei sefydlu yn drobwynt yn hanes addysg yng Nghymru gan iddi arloesi'r maes a bod y gyntaf o lawer o ysgolion Cymraeg a sefydlwyd wedi hynny, y rhan fwyaf ohonynt gan Awdurdodau Addysg lleol.[2]

Agorwyd yr ysgol gyntaf ar Ffordd Llanbadarn, gan symud i safle yn Lluest ym 1946. Symudodd unwaith eto i safle Ysgol Ffordd Alecsandra ym 1952. Ym 1989 symudodd i'w safle presenol ym Mhlascrug.[1]

Presennol[golygu]

Dechreuodd yr ysgol gyda dim ond 7 o ddisgyblion, ond mae hyn wedi tyfu i 350 heddiw, ehangodd yr ysgol lawer yn ystod yr 1980au a'r 1990au pan ddechreuodd rhieni weld gwerth addysg ddwyieithog.[2] Er y gall 95% o ddisgyblion yr ysgol siarad y Gymraeg i safon iaith gyntaf, dim ond 65% a ddaw o gartrefi lle mae'r Gymraeg yn brif iaith.[3] Erbyn heddiw mae gan yr ysgol 18 o athrawon, 20 cynorthwyydd a 15 o staff ategol.[2] Noddir yr ysgol gan Oriel y Bont a HSBC.[4]

Y prifathro ar hyn o bryd yw Mr. Clive Williams.

Cyn-athrawon o nod[golygu]

Cyn-ddisgyblion o nod[golygu]

Cysylltiadau allanol[golygu]

Ffynonellau[golygu]

  1. 1.0 1.1  Birthday bash for first Welsh school. Cambrian News (1 Hydref 2009).
  2. 2.0 2.1 2.2  Croeso. Ysgol Gymraeg Aberystwyth.
  3.  School Inspection 10-12 February 2003. Estyn.
  4.  Noddwyr yr ysgol. Ysgol Gymraeg Aberystwyth.
Apple-book.svg Eginyn erthygl sydd uchod am ysgol yng Nghymru. Gallwch helpu Wicipedia drwy ychwanegu ato.