Aled Haydn Jones

Oddi ar Wicipedia
Aled Haydn Jones
Ganwyd9 Awst 1976 Edit this on Wikidata
Aberystwyth Edit this on Wikidata
DinasyddiaethBaner Cymru Cymru
Alma mater
Galwedigaethcyflwynydd radio, cynhyrchydd radio Edit this on Wikidata

Cyflwynydd a chynhyrchydd radio Cymreig ydy Aled Haydn Jones (ganwyd 9 Awst 1976),[1] sydd yn bennaeth BBC Radio 1 ers Mehefin 2020.[2] Rhwng 2004 a 2012 roedd yn gweithio ar The Chris Moyles Show ac roedd yn cyflwyno The Surgery ar Radio 1 rhwng 2009 a 2015.[3]

Bywgraffiad[golygu | golygu cod]

Ganed Aled Haydn Jones yn Aberystwyth, Ceredigion, yn fab i Hayden ac Ann Jones. Mae ganddo chwaer iau, Meleri. Mae'n siaradwr Cymraeg rhugl, a mynychodd Ysgol Gymraeg Aberystwyth, ac Ysgol Gyfun Penweddig cyn cwblhau cymhwyster BTEC yn Astudiaethau'r Cyfryngau yng Ngholeg Abertawe.[3] Erbyn hyn, mae'n byw yn Llundain.

Gwaith radio[golygu | golygu cod]

Ers 2004 mae wedi gweithio ar raglen The Chris Moyles Show ar BBC Radio 1. Nid oedd bob amser i'w glywed ar yr awyr, ond cyfeirwyd ato'n aml gan y tîm yn y stiwdio. Pan mae ar yr awyr, mae yn aml yn bwnc y jociau, yn aml oherwydd ei genedligrwydd neu ei rhywioldeb. Yn ei swydd fel cynhyrchydd yn ystod y dydd ar Radio 1, roedd hefyd yn cymryd rhan yn y broses o ddewis cerddoriaeth ar gyfer playlist y dydd. Ar 9 Awst 2007, trosglwyddodd Chris Moyles ei raglen i Aled am hanner awr. Roedd gan y rhaglen fer ei chân-thema ei hun, brand new cheesy song. Gelwyd y rhaglen yn yr Aled Haydn Jones show. Ni allai alw ei sioe yn The Aled Jones Show gan fod Aled Jones, y canwr, â sioe o'r un enw eisoes. Gwahoddodd Aled ei fam a'i dad i ddod yn rhan o'r criw ar gyfer y rhaglen fer.[4] Ers 2009 mae Aled wedi bod yn cynhyrchu'r sioe fyw, gan gymryd lle y cynhyrchydd rheolaidd, Rachel Jones.

Cyfeirir at Aled yn aml fel BB Aled oherwydd ei obsesiwn gyda Big Brother. Pan mae'r gyfres yn cael ei darlledu, yn aml mae'n aml cyfweld ag aelodau o'r tŷ sydd wedi cael eu cicio allan ar the Chris Moyles show. Achosodd ddadl tra'n cyfweld George Galloway ar ôl Celebrity Big Brother ym mis Ionawr 2006. Adroddodd ffigyrau arolwg Radio 1 i Mr Galloway ac ymatebodd yntai yn flin i'r canlyniadau. Yn dilyn sylwadau gwrthodol gan Galloway, bygythodd gweinydd o Plaid Respect i ymosod ar Aled, dyna y gwnaeth cyd gystadleuydd Galloway Dennis Rodman hefyd. Ar y pwynt yma, daeth y cwestiynu i ben. Daeth hwn yn gamgymeriad PR, enwog a chynyddodd enwogrwydd Aled am gyfnod.

Pan newidiodd y rhaglen Radio 1's Sunday Surgery, yn 2008, hefo Kelly Osbourne fel y cyflwynwraig, fe ddechreuodd Aled lenwi mewn ar adegau pan nad oedd Kelly ar gael, cyn hir Aled oedd y dewis cyntaf i gyflwyno'r rhaglen yn absenoldeb Kelly. Yn mis Tachwedd 2008 fe gymerodd Aled y rhaglen drosodd am 3 mis oherwydd fod Kelly am fynd i America i ffilmio cyfres deledu newydd. Daeth Aled yn boblogaidd iawn hefo grandawyr y rhaglen ac o ganlyniad i hynny, mae bellach yn gyflwynydd llawn amser ac ail-enwyd y rhaglen yn The Surgery with Aled.

Gwaith teledu ac arall[golygu | golygu cod]

Yn ogystal â'i rôl ar Radio 1, mae Aled hefyd wedi bod yn feirniad ar raglen Waw Ffactor, S4C. Ymddangosodd fel rhodiwr yng nghyfres 4 o 24, ym mhennod 23, a phleidleiswyd ef yn Rear of the Year yn 2004.[5]

Roedd hefyd yn un o'r Jones's a dorrodd record y byd Jones Jones Jones am gasglu ynghyd y nifer fwyaf o bobl yn rhannu’r un cyfenw yn Stadiwm y Mileniwm yn 2006, gan fod yn un o 1,224 Jones a gymerodd rhan.[6]

Ym mis Tachwedd 2007, cymerodd Aled ran yng nghyfres deledu Celebrity Scissorhands. Yn y rhaglen bu enwogion yn torri gwallt a rhoi triniaeth salon harddwch, gydag ychydig iawn o hyfforddiant, er mwyn codi arian ar gyfer elusen Plant Mewn Angen.

Ym mis Mawrth 2011, roedd Aled yn rhan o'r sioe ITV2, OMG gyda Peaches Geldof, lle buont yn cymryd golwg ar is-ddiwylliannau a ffyrdd amgen o fyw.[7] Am wythnos ym mis Tachwedd 2011, bu'n banelydd ar y rhaglen I'm a Celebrity Get Me Out of Here... Now, yn rhoi ei farn ar fywyd yn y gwersyll.

Cyfeiriadau[golygu | golygu cod]

  1. "Aled Haydn Jones Biography". BBC Wales. Archifwyd o'r gwreiddiol ar 2012-11-10. Cyrchwyd 2007-10-22.
  2. Aled Haydn Jones announced as new Head of Radio 1 (en) , BBC, 1 Mehefin 2020.
  3. 3.0 3.1 "Aled Haydn Jones Profile". chrismoyles.net. Archifwyd o'r gwreiddiol ar 2005-03-10. Cyrchwyd 2012-07-13.
  4. Gwefan Facebook; adalwyd 11 Gorffennaf 2012
  5. "Rear of the Year History". Rear of the Year. Archifwyd o'r gwreiddiol ar 2012-12-01. Cyrchwyd 2012-07-13.
  6. 'Darlledu Sioe’r Jonesiaid a Dorrodd Record Byd' 26 Tachwedd 2006 S4C
  7. "OMG with Peaches Geldof". itv.com. Archifwyd o'r gwreiddiol ar 2011-05-02. Cyrchwyd 2012-07-13.

Dolenni allanol[golygu | golygu cod]