Urdd Gobaith Cymru

Oddi ar Wicipedia
Neidio i: llywio, chwilio
Urdd Gobaith Cymru

Logo'r Urdd.png

Sefydlwyd 1922
Sefydlydd Syr Ifan ab Owen Edwards
Gwefan http://www.urdd.org

Mudiad ieuenctid Cymraeg yw Urdd Gobaith Cymru. Fe'i sefydlwyd yn 1922 gan Syr Ifan ab Owen Edwards. Mae'r aelodau yn addo bod yn ffyddlon i Gymru, i'w cyd-ddyn ac i Grist.

Cynhelir Eisteddfod Genedlaethol yr Urdd bob blwyddyn. Mae enillwyr eisteddfodau cylch yn mynd ymlaen i'r eisteddfodau sir ac enillwyr yr eisteddfodau sir sydd yn mynd ymlaen i gystadlu yn Eisteddfod Genedlaethol yr Urdd ei hun. Fodd bynnag, weithiau gwahoddir y cystadleuwyr a ddaeth yn ail yn yr Eisteddfod Sir i gystadlu yn Eisteddfod Genedlaethol yr Urdd, ond mae hyn yn dibynnu ar niferoedd.

Mae'r Urdd hefyd yn cynnal gwersylloedd yng Nglanllyn ger Y Bala a Llangrannog, Ceredigion, lle mae Cymry Cymraeg a dysgwyr yn mwynhau gweithgareddau awyr agored. Mae'r Urdd yn rhannu'r cyfleusterau sydd yng Nghanolfan Mileniwm Cymru ers 2004.

Aelodau o'r Urdd[golygu]

  • Mae 50,000 o blant a phobl ifanc Cymru yn aelodau o’r Urdd.
Logo gwreiddiol yr Urdd
Stamp answyddogol yn dathlu hanner canmlwyddiant yr Urdd (1922-1972)
  • Mae un rhan o dair o’r holl siaradwyr Cymraeg rhwng 8 ac 18 yn aelodau.
  • Mae 30% o’r holl aelodau yn dweud eu bod yn ddysgwyr.
  • Mae dros 3,000 o’r aelodau rhwng 16 a 25 mlwydd oed.
  • Enwau cyfarwydd a fu gynt yn aelodau o’r Urdd yw Huw Edwards, y darllenydd newyddion, Bryn Terfel, y canwr byd enwog, a Glyn Wise o’r gyfres Big Brother!
  • Mae gan y mudiad 10,000 o wirfoddolwyr sy’n weithgar dros ben mewn 900 o ganghennau ledled y wlad.[1]

Beth mae'r Urdd yn cynnig[golygu]

Yn ardaloedd lleol.

  • Mae tîm o staff yn bugeilio 300 o adrannau ac aelwydydd cymunedol.
  • Cynhelir clybiau wythnosol, cystadlaethau, chwaraeon, teithiau tramor a theithiau i’r gwersylloedd.

Yn y gwersylloedd.

  • Gweithgareddau awyr agored megis hwylio, canŵio a dringo yng Nglan-llyn, wibgartio, sgïo a merlota yn Llangrannog, ymweliad â Stadiwm y Mileniwm neu’r theatr yng Nghaerdydd

Ar y maes chwarae.

  • Rygbi, nofio, pêl-droed, gymnasteg, athletau.
  • Cystadlaethau rhwng plant a phobl ifanc ar hyd ac ar led Cymru.
  • Clybiau wythnosol a chyrsiau chwaraeon

Ar lwyfan yr Eisteddfod.

  • Cymryd rhan yng ngŵyl ieuenctid cystadleuol fwyaf Ewrop.
  • Cystadlaethau canu, dawnsio, actio, perfformio, celf a chrefft, barddoni

Yn y cylchgronau.

  • Straeon diddorol a chystadlaethau yn Cip, iaw! a Bore Da?
  • Cylchgronau ar gyfer dysgwyr a Chymry Cymraeg

Trwy waith dyngarol.

  • Cyhoeddi Neges Heddwch ac Ewyllys Da Plant Cymru. Mae'r Urdd wedi gwneud hyn ers 1925.
  • Cyfle i fynd tramor gyda’r Urdd i wneud gwaith gwirfoddol a thrwy hynny darganfod diwylliannau eraill a chyfarfod plant a phobl ifanc o wledydd ar draws y byd.

Dolenni allanol a cyfeiriadau[golygu]

  1. http://www.urdd.org/adran.php?tud=17
Flag of Wales 2.svg Eginyn erthygl sydd uchod am Gymru. Gallwch helpu Wicipedia drwy ychwanegu ato