Ysgol Dyffryn Aman
| Ysgol Dyffryn Aman | |
|---|---|
| |
| Arwyddair | Parched Pob Byw ei orchwyl |
| Sefydlwyd | 1928 |
| Math | Cyfun, y Wladwriaeth |
| Cyfrwng iaith | Dwyieithog, Cymraeg a Saesneg |
| Pennaeth | Mr. D. Stephen Perks |
| Lleoliad | Stryd Marged, Rhydaman, Sir Gaerfyrddin, Cymru, SA18 2NW |
| AALl | Cyngor Sir Gaerfyrddin |
| Staff | 100+ |
| Disgyblion | 1698 |
| Rhyw | Cyd-addysgol |
| Oedrannau | 11–18 |
| Llysoedd | Amanwy (Melyn), Llwyd (Glas), Nantlais (Gwyrdd), Watcyn (Coch) |
| Lliwiau | Gwyrdd Tywyll a du |
| Gwefan | http://www.ammanvalley.amdro.org.uk/Cymraeg/Pages/default.aspx |
Ysgol ddwyieithog yw Ysgol Dyffryn Aman a chanddi VI Dosbarth dwyieithog (Cymraeg a Saesneg).
Cyflwyniad[golygu | golygu cod]
Mae ganddi oddeutu 1700 o fyfyrwyr. Lleolwyd ar Stryd Marged, Rhydaman, Sir Gaerfyrddin yng Nghymru.[1] Mae'n ysgol bob rhyw heb iddi unrhyw gysylltiad crefyddol penodedig.
Lleolwyd yng ngogledd y dref wrth droed y Mynydd Du ac mae'r dref ychydig filltiroedd i ddiwedd yr M4.
Hanes[golygu | golygu cod]
Roedd yr ysgol yn ysgol ramadeg ac yn un o ddwy ysgol uwchradd yn y dref cyn 1970. Ond fe unwyd y ddwy ysgol ar yr un safle, ac felly ceir Ysgol Uwchradd Dyffryn Aman. Cafwyd enw ddwyieithog ar yr ysgol newydd, Ysgol Dyffryn Aman - Amman Valley School, ond fe bleidleisiodd Llywodraethwyr yr ysgol yn unfrydol o blaid newid yr enw i enw uniaith Gymraeg yn 2011 yn sgil diwygio ysgolion Uwchradd Dinefwr. Bydd yr ysgol o hyn allan yn cael ei hadnabod fel Ysgol Dyffryn Aman yn unig ar bob ffurflen swyddogol, pob arwydd a phob dogfen.
Ymosodiad trywanu, 2024[golygu | golygu cod]
Ar 24 Ebrill 2024, rhoddwyd yr ysgol dan glo ar ôl i dri o bobl gael eu hanafu mewn ymosodiad trywanu. Arestiwyd un person gan Heddlu Dyfed-Powys mewn cysylltiad â'r digwyddiad, ac anfonwyd dau ambiwlans awyr ac ambiwlans i'r lleoliad am 11:30yb. Rhyddhawyd disgyblion yr ysgol am 3:20yp i'w rhieni, llawer ohonynt wedi bod yn aros y tu allan i'r ysgol.[2][3]
Ysgrifennodd Prif Weinidog y Deyrnas Unedig Rishi Sunak a Phrif Weinidog Cymru Vaughan Gething ar Twitter eu bod wedi cael “sioc” o glywed y newyddion gan diolch i’r gwasanaethau brys a fynychodd y lleoliad. Dywedodd cyn-fyfyriwr a chyn-arweinydd Plaid Cymru Adam Price fod e "Byth wedi dychmygu hyn yn digwydd yn Rhydaman" 'a bod ei "feddwl, fel y gweddill ohonom, gyda chymuned yr ysgol".[2]
Cyn-ddisgyblion[golygu | golygu cod]
- Josh Griffiths, rhedwr marathon
- Emyr Wyn Lewis, chwaraewr rygbi
- Adam Price, AS Plaid Cymru 2001-10 ar gyfer etholaeth Dwyrain Caerfyrddin a Dinefwr
- Shane Williams, chwaraewr rygbi
Ysgol Ramadeg Dyffryn Aman[golygu | golygu cod]
- Prof Donald Arthur,
- John Cale, cerddor a chyn-aelod o'r band The Velvet Underground
- Sir Goronwy Daniel CB, Is-ganghellor Prifysgol Cymru 1977-9, a phennaeth Prifysgol Aberystwyth o 1969-79
- Albert Davies,
- Dai Davies, peldroediwr
- Neil Hamilton, AS Ceidwadol 1983-97 ar gyfer Etholaeth Tatton
- Dr Alun Jones OBE,
- Prof Derec Llwyd Morgan, Is-ganghellor Prifysgol Aberystwyth o 1995 - 2004
- Roy Noble OBE, darlledwr
- Vernon Pugh
- Don Tarr, chwaraewr rygbi
- Dr Roger Thomas, AS Llafur o 1979-87 ar gyfer Etholaeth Caerfyrddin
- Ben Gould
- Alan Watkins, newyddiadurwr
- Dr Wynford Williams CB,
Cyfeiriadau[golygu | golygu cod]
- ↑ "Welsh Assembly: Subject Index: Education : School Performance : Home". Archifwyd o'r gwreiddiol ar 2005-03-01. Cyrchwyd 2011-09-19.
- ↑ 2.0 2.1 "Ysgol Dyffryn Aman: Merch yn ei harddegau wedi ei harestio ar amheuaeth o geisio llofruddio". newyddion.s4c.cymru. 2024-04-24. Cyrchwyd 2024-04-24.
- ↑ "Arestio merch ar amheuaeth o geisio llofruddio mewn ysgol". BBC Cymru Fyw. 2024-04-24. Cyrchwyd 2024-04-24.
Dolenni allanol[golygu | golygu cod]
- Gwefan swyddogol yr ysgol (fersiwn Cymraeg) Archifwyd 2011-10-21 yn y Peiriant Wayback.
- Hanes yr ysgol (yn Saesneg)
- EduBase Archifwyd 2012-06-14 yn Archive.is