Bryn Terfel

Bryn Terfel

Eisteddfod Môn 1992

Mae Bryn Terfel (ganwyd 9 Tachwedd 1965) yn fariton ac yn ganwr opera byd enwog. Fe'i ganwyd ym Mhant Glas, Gwynedd. Bu'n canu a chystadlu mewn eisteddfodau ers pan yn ifanc iawn. Fe'i cysylltwyd ef yn fuan iawn yn ei yrfa gyda gwaith Mozart, yn enwedig Figaro a Leporello, ond ehangwyd ei repertoire i gynnwys gwaith trymach o lawer megis gwaith Wagner.

Graddiodd yn Ysgol Gerdd y Guildhall yn 1989, ac enillodd Gwobr Lieder yng Nghystadleuaeth Canwr y Byd, Caerdydd yn 1989.

Ers hynny mae wedi canu prif rannau ym mhrif dai opera'r byd gyda chlod uchel. Bryn Terfel yw sefydlydd Gŵyl y Faenol, a gynhelir bob mis Awst ar Stâd y Faenol, ger Bangor.

Roedd hefyd yn un o'r Jones's a dorrodd record y byd Jones Jones Jones am gasglu ynghŷd y nifer fwyaf o bobl yn rhannu’r un cyfenw yn Stadiwm y Mileniwm yn 2006, gan fod yn un o 1,224 Jones a gymerodd rhan.

Repertoire Operatig

Dyma'r gwaith a'r cymeriadau mae Bryn wedi eu perfformio ar lwyfan

Cyfansoddwr	Opera	Cymeriad	Dyddiadau	Recordiwyd
Britten	Peter Grimes	Balstrode	1995	Naddo
Donizetti	L'elisir d'amore	Dulcamara	2001	Naddo
Gounod	Faust	Mephistopheles	2004	Naddo
Mozart	Così fan tutte	Guglielmo	1991	Naddo
Mozart	Don Giovanni	Masetto	1992	Do
Mozart	Don Giovanni	Leporello	1991	Do
Mozart	Don Giovanni	Don Giovanni	1999 –	Do
Mozart	Die Zauberflöte	Speaker	1991	Naddo
Mozart	Le nozze di Figaro	Figaro	1991 – 2007	Do
Offenbach	Les contes d'Hoffmann	Four male roles	2000	Naddo
Puccini	Gianni Schicchi	Gianni Schicchi	2007	Naddo
Puccini	Tosca	Scarpia	2006	Naddo
Puccini	Madama Butterfly	Sharpless	1996	Naddo
Richard Strauss	Die Frau ohne Schatten	Der Geisterbote	1992	Do
Richard Strauss	Salome	Jochanaan	1993	Do
Sondheim	Sweeney Todd	Sweeney Todd	2002 –	Naddo
Stravinsky	The Rake's Progress	Nick Shadow	1996 – 2000	Do
Stravinsky	Oedipus Rex	Creon	1992	Do
Verdi	Falstaff	Falstaff	1999 –	Do
Verdi	Falstaff	Ford	1993	Naddo
Wagner	Das Rheingold	Donner	1993	Naddo
Wagner	Das Rheingold	Wotan	2005 –	Naddo
Wagner	Die Walküre	Wotan	2005 –	Naddo
Wagner	Tannhäuser	Wolfram	1998	Naddo
Wagner	Der fliegende Holländer	Holländer	2006 –	Naddo

Cyfeiriadau

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.

Eginyn erthygl sydd uchod am gerddoriaeth Cymru. Gallwch helpu Wicipedia drwy ychwanegu ato