Andy Schleck

**Andy Schleck**
Manylion Personol
Enw Llawn	Andy Schleck
Dyddiad geni	Mehefin 10, 1985 (age 27)
Gwlad	Luxembourg
Taldra	1.86m
Pwysau	67kg
Gwybodaeth Tîm
Tîm Presennol	Team Saxo Bank
Disgyblaeth	Ffordd
Rôl	Reidiwr
Math o reidiwr	Dringwr
Tîm(au) Amatur
2004; 2004	VC Roubaix; Team Saxo Bank (stagiaire)
Tîm(au) Proffesiynol
2005–	Team Saxo Bank
Prif gampau
	Giro d'Italia,; Dosbarthiad Reidiwr Ifanc (2007); Tour de France,; Dosbarthiad Reidiwr Ifanc (2008, 2009); Liège-Bastogne-Liège (2009)
	Golygwyd ddiwethaf ar:
	30 Gorffennaf 2009

Seiclwr proffesiynol Luxembourgaidd yw Andy Schleck (ganwyd 10 Mehefin 1985). Mae wedi reidio dros Team Saxo Bank ers 2005, ac yn cystadlu yn nghyfres yr UCI ProTour. Mae'n frawd iau i Fränk Schleck, sydd hefyd ar Team Saxo Bank. Cystadlodd eu tad, Johnny Schleck, yn y Tour de France a'r Vuelta a España rhwng 1965 ac 1974.

Cynnwys

1 Bywgraffiad
- 1.1 Gyrfa amatur
- 1.2 Gyrfa broffesiynol
2 Canlyniadau
3 Cyfeiriadau
4 Dolenni allanol

Bywgraffiad [golygu]

Ganwyd Schleck yn ninas Luxembourg, yn fab i Gaby a Johnny Schleck, cyn-seiclwr proffesiynol a oedd wedi cynyrchioli timau megis Pelforth a Bic. Roedd tad Johnny, Gustav Schleck, hefyd wedi cystadlu mewn rasus seiclo yn ystod yr 1930au.^[1]

Gyrfa amatur [golygu]

Ymunodd Schleck glwb seiclo VC Roubaix yn 2004, gan ddal sylw Cyrille Guimard, cyfarwyddwr chwaraeon a ddaeth yn adnabyddus fel directeur sportif sawl enillydd y Tour de France, gan gynnwys Bernard Hinault, Laurent Fignon, Lucien Van Impe a Greg LeMond. Disgrifiodd Guimard Schleck fel un o'r reidwyr mwyaf dawnus oedd wedi ei weld a cymharodd ef gyda Laurent Fignon.^[1]^[2]

Enillodd Schleck ras gymalau Flèche du Sud yn 2004, pan oedd ond yn 18 oed ac dal yn reidiwr amatur. Roedd tîm cenedlaethol Denmarc hefyd yn cysdlu'r ras honna, a lledaenodd y newyddion am ei gampau i reolwr Danaidd Team CSC, Bjarne Riis. Holodd Riis frawd Andy, Fränk, a oedd eisioes ar dîm CSC, ynglyn a'i frawd ac yn fuan wedyn, ar 1 Medi 2004 dechreuodd Andy reidio fel stagiaire (reidiwr hyfforddedig) dros Team CSC. Sicrhaodd gytundeb proffesiynol gyda'r tîm gan gystadlu yn ei ras ProTour cyntaf, y Volta a Catalunya, pan oedd yn 19 oed yn 2005.

Gyrfa broffesiynol [golygu]

Enillodd Andy Bencampwriaeth Cenedlaethol Treial Amser, tra enillodd ei frawd Fränk y Bencampwriaeth Ras Ffordd. Cafodd Schleck ddamwain yn y GP Cholet yn 2006, a cymerodd saib o wyth wythnos cyn dychwelyd i rasio yn y Volta a Catalunya ym mis Mai. Ym mis Gorffennaf, cwpl o ddyddiau wedi i'w frawd wnnill cymal Alpe d'Huez y Tour de France, enillodd Andy y prif gymal mynyddig yn y Sachsen Tour, yn ogystal a'r cymal terfynnol, gan orffen yn 23ydd yn y dosbarthiad cyffredinol.

Enillodd y dosbarthiad reidiwr ifanc yn Giro d'Italia 2007, ac yn ail tu ôl i Danilo Di Luca yn y dosbarthiad cyffredinol. Gorffennodd yn bedwerydd yn y Giro di Lombardia wedi iddo rhoi cymorth iw frawd Fränk, a oedd wedi cael damwain gyda 6 km i fynd.^[3]

Parhaodd llwyddiant Schleck yn 2008, pan enillodd dosbarthiad reidiwr ifanc y Tour De France,^[4] gan guro Roman Kreuziger, a helpu Team CSC i ennill y dosbarthiad tîm a chefnogi buddugoliaeth Carlos Sastre.

Enillodd ei fuddugoliaeth pwysicaf hyd yn hyn yn Ebrill 2009, gan ennill ras Liege-Bastogne-Liege mewn gwyntoedd cryf, ef oedd enillydd cyntaf y ras i ddod o Luxembourg ers Marcel Ernzer ym 1954.^[4] Cwpl o ddyddiau ynghynt roedd wedi dod yn ail yn ras glasurol La Flèche Wallonne.

Gorffennodd Andy yn ail yn Tour de France 2009, tu ôl i Alberto Contador ac o flaen Lance Armstrong. Daeth hefyd yn drydydd yng nghymal 17, enillwyd y cymal hwnnw gan ei frawd Fränk, gyda Alberto Contador yn ail. Cipiodd y fuddugoliaeth yn nosbarthiad reidiwr ifanc y Tour de France am yr ail flwyddyn yn olynol.