Danilo Di Luca

Oddi ar Wicipedia
Neidio i: llywio, chwilio
Danilo Di Luca
Di Luca yn 2007
Manylion Personol
Enw Llawn Danilo Di Luca
Llysenw The Killer from Spoltore
Dyddiad geni (1976-01-02)

Ionawr 2, 1976 (38 oed)

Gwlad Baner Yr Eidal Yr Eidal
Taldra 1.68m
Pwysau 61kg
Gwybodaeth Tîm
Tîm Presennol LPR Brakes-Ballan
Disgyblaeth Ffordd
Rôl Reidiwr
Math o reidiwr Dringwr
Tîm(au) Proffesiynol
1998
1999–2001
2002–2004
2005–2007
2008–
Riso Scotti
Cantina Tollo
Saeco-Longoni Sport
Liquigas-Bianchi
LPR Brakes-Ballan
Prif gampau
UCI ProTour (2005)
Jersey pink.svg Giro d'Italia (2007), 8 stages
Vuelta a España, 2 gymal
Amstel Gold Race (2005)
Giro di Lombardia (2001)
La Flèche Wallonne (2005)
Liège-Bastogne-Liège (2007)
Vuelta al País Vasco (2005)
Golygwyd ddiwethaf ar:
3 Awst 2009

Seiclwr proffesiynol Eidalaidd yw Danilo Di Luca (ganwyd 2 Ionawr 1976). Mae wedi cael ei wahardd rhag cystadlu am gyfnod wedi iddo roi prawf cyffuriau positif yn ystod Giro d'Italia 2009.[1] Enillodd Di Luca UCI ProTour 2005, Giro d'Italia 2007 a'r Giro di Lombardia yn 2001 a'r Liège-Bastogne-Liège yn 2007.

Blynyddoedd cynnar[golygu]

Ganwyd Di Luca yn Spoltore, talaith Pescara, dechreuodd ei yrfa proffesiynol yn 1998 ar dîm Riso Scotti. Dangosodd dalent pan enillodd fersiwn o'r Giro d'Italia ar gyfer reidwyr odan 23. Enillodd ei ras cyntaf proffesiynol ym 1999, gyda tîm Cantina Tollo-Alexia Alluminio, pan enillodd cymal cyntaf y Giro d'Abruzzo. Arhosodd gyda'r tîm, gan gael fwy o lwyddiant yn 2001 megis ennil pedwerydd cymal y Giro d'Italia a'r Giro di Lombardia. Wedi hynnu symudodd i dîm Saeco-Longoni Sport.

Yn ystod ei gyfnod gyda Saeco-Longoni bu'n arwain y Vuelta al País Vasco tan y cymal olaf, sef cymal treial amser mynyddig a enillwyd gan Andreas Klöden i gipio'r fuddugoliaeth. Dirywiodd ei berfformiadau fel canlyniad o anafiadau a diffyg hyder ynddo gan gyfarwyddwyr ei dîm. Cafodd Di Luca ei ymchwilio ynglyn â defnydd cyffuriau gan swyddogion Eidalaidd. Adroddodd gwefan cyclingnews.com fod Di Luca wedi cael ei recordio mewn sawl sgwrs ar y ffôn gyda Eddy Mazzoleni lle honir iddo drafod cynnyrch cyffuriau. Arweiniodd hyn at Di Luca i beidio cymryd rhan yn Tour de France 2004.[2][3]

2005[golygu]

Yn 2005, symudodd Di Luca i dîm Liquigas-Bianchi, gyda Mario Cipollini, Dario Cioni, Stefano Garzelli a Magnus Bäckstedt. Ef oedd arweinydd y tîm yng nglasuron y gwanwyn. Enillodd gymal cyntaf ras UCI ProTour y Vuelta al País Vasco, cyn mynd ymlaen i ennill y ras yn gyffredinol gan guro Aitor Osa yn y treial amser olaf. Cipiodd yr Amstel Gold Race a La Flèche Wallonne, gan ddod i wisgo crys gwyn yr arweinydd yn y gyfres ProTour.

Roedd Di Luca yn cael ei ystyried fel reidiwr a oedd yn gweddu orau â rasus a oedd ond yn parau cwpl o ddyddiau, felly daeth ei lwyddiant yn Giro d'Italia 2005 yn gryn syndod. Enillodd ddau gymal a gorffnnodd yn bedwerydd yn nosbarthiad cyffredinol y ras tair wythnos. Daeth yn bumed yn y Tour de Pologne, a pedwerydd yn y Züri-Metzgete, felly daeth yn bencampwr UCI ProTour 2005.

2006[golygu]

Gorfodwyd Di Luca i ymddeol o Tour de France 2006, oherwydd haint troethol. Gwellhaodd mewn pryd i gystadlu yn Vuelta a España 2006, gan ennill y pumed cymal ac arwain y ras am gyfnod. Roedd perfformiadau Di Luca yn rasus eraill 2006 megis y clasuron a'r Giro yn siomedig i gymharu a'i ganlyniadau yn 2005.

2007[golygu]

Enillodd Di Luca y Milano-Torino ym mis Mawrth 2007, a'r Liège-Bastogne-Liège ym mis Ebrill. Cipiodd gymalau 4 a 12 ar y ffordd i'r ffudugoliaeth yn Giro d'Italia 2007. Wedi'r Giro, daeth i'r amlwg fod gan Di Luca lefelau isel o hormon nad oedd wedi ei enwi. Roedd yr awdurdodau Eidalaidd yn ceisio penderfynu os oedd hyn yn ganlyniad o rasio ar lefel uchel am dair wythnos ynteu'n fath o gyfrwng er mwyn cuddio defnydd cyffuriau.[4] Ar 28 Medi, tynnodd Di Luca allan o Bencampwriaethau Ras Ffordd y Byd yr UCI, gan ddisgrifio y ffordd yr oedd wedi cael ei drin yn warthus wedi'r cyhuddiadau o amhureddu.[5]

Roedd Di Luca yn arwain cyfres yr UCI ProTour yn 2007 pan gafodd ei wahardd cyn y ras terfynnol, y Giro di Lombardia, oherwydd ei ymglymiad honedig gyda'r achos Oil for Drugs, cafodd ei wahardd am dri mis dros y gaeaf yn dilyn hyn.[6]

2008–2009[golygu]

Cafodd Di Luca flwyddyn tawel yn 2008, wedi iddo ymuno â'i dîm newydd, LPR Brakes-Ballan, gan na gawsont eu gwahodd i nifer o rasus. Derbyniodd y tîm safle ar hap yn Giro d'Italia 2009, ac enillodd Di Luca y pedwerydd cymal.[7] Daeth yn ail yn y bumed cymal gan gipio'r maglia rosa am gyfnod, ymestynodd ei fantais dros weddill ymaes pan enillodd y degfed cymal. Collodd amser yn y ddau gymal treial amser gan orffen yn ail yn y dosbarthiad cyffredinol a chipio'r maglia cilamino.

Ar 22 Gorffennaf 2009, datganwyd fod Di Luca wedi cael ei brofi'n bositif ar gyfer CERA ar 20 a 28 Mai 2009, yn ystod y Giro d'Italia. Cafodd ei wahardd dros dro gan yr UCI yn syth.[1][8] Roedd wedi cael ei dargedu ar gyfer profion gan ddefnyddio gwybodaeth proffil ei waed o'i basbort biolegol, canlyniadau arbrofion cynt a'i raglen rasio.[9]

Canlyniadau[golygu]

1999
1af 1 Cymal Giro d’Abruzzo
2il Giro di Lombardia
2000
1af GP Industria & Artigianato di Larciano
1af Trofeo Pantalica
1af 1 Cymal Giro d'Italia
1af 2 Gymal Giro d’Abruzzo
2il Vuelta al País Vasco
1af 1 Cymal
2001
1af Giro di Lombardia
1af 1 Cymal Giro d'Italia
2il 1 Cymal Setmana Catalana
1af Giro d'Abruzzo
1af 1 Cymal
2002 – Saeco
1af Giro del Veneto
1af GP Fred Mengoni
1af Trofeo Laigueglia
2il Tirreno - Adriatico
1af 2 Gymal
1af 1 Cymal Volta a la Comunitat Valenciana
1af 1 Cymal Vuelta a España
2003
1af Coppa Placci
3ydd Amstel Gold Race
1af Tre Valli Varesine
1af 1 Cymal Tirreno - Adriatico
1af Tour de Ligure
1af 1 Cymal
2004
1af Trofeo Matteoti
1af Brixia Tour
1af Cymal 4, Vuelta a Murcia
2il La Flèche Wallonne
4ydd Amstel Gold Race
2005
1af UCI ProTour
1af Amstel Gold Race
1af La Flèche Wallonne
1af Vuelta al País Vasco
1af Cymal 1
4ydd Giro d'Italia
1af Cymal 3
1af Cymal 5
4ydd Züri-Metzgete
5ed Tour de Pologne
2006
1af Cymal 5, Vuelta a España
6ed La Flèche Wallonne
9fed Liège-Bastogne-Liège
2007
1af Milano-Torino
3ydd Amstel Gold Race
3ydd La Flèche Wallonne
1af Liège-Bastogne-Liège
1af Cymal 3, Settimana Internazionale Coppi e Bartali
1af Jersey pink.svg Giro d'Italia
1af Cymal 4
1af Cymal 12
2008
1af Cymal 4 & Overall, Settimana Ciclistica Lombarda
1af King of the Mountains, Tour of Britain
1af Giro dell'Emilia
2009
Settimana Ciclista Lombarda
1af Cymal 1, Treial Amser Tîm
Giro del Trentino
1af Cymal 4
2il Giro d'Italia
1af Maglio ciclamino
1af Cymal 4
1af Cymal 10

Cyfeiriadau[golygu]

  1. 1.0 1.1  Di Luca positive for CERA in Giro. Cycling News (2009-07-22).
  2.  News Archive. Cycling News (2007-06-28).
  3.  News Archive. Cycling News (2007-06-29).
  4.  CONI to question Petacchi, Di Luca and Mazzoleni. ProCycling.
  5.  Di Luca withdraws from Worlds. Cycling News (2007-09-28).
  6.  Di Luca given doping suspension. BBC Sport (2007-10-17).
  7. Di Luca still the cold-blooded killer
  8.  Italian Di Luca fails doping test. BBC (22 July 2009).
  9.  Di Luca positive for CERA in 2009 Giro d'Italia. Bike Radar (2009-07-22).

Dolenni allanol[golygu]