Y Bacchai

Y Bacchai

Awdur	Euripides
Cyhoeddwr	CAA
Gwlad	Cymru
Iaith	Cymraeg
Dyddiad cyhoeddi	Hydref 1991
Argaeledd	ar gael
ISBN	1 85644 087 7
Genre	Dramâu Cymraeg
Cyfres	Dramâu Dalier Sylw

Cyfaddasiad o waith Euripides yw'r ddrama Y Bacchai gan Gareth Miles ar gyfer Canolfan Astudiaethau Addysg a chwmni theatr Dalier Sylw ym 1991.

Seiliwyd y cyfaddasiad ar gyfieithiad Ffrangeg Henri Grégoire a Jules Meunier, o'r ddrama wreiddiol gan Euripides, wedi'i greu gan ddefnyddio ieithweddau Cymraeg hynafol.

Mae'n argyfwng ar ddinas Thebai. Er mwyn dial ar y brenin Penthews a'i deulu am sarhau enw Semele, mam Dionysios, [Dionysus] a gwadu ei awdurdod ef, mae Dionysos wedi meddiannu holl fenywod Thebai a'u hudo i'r mynyddoedd. Yno mae'r menywod - Y Bacchai - yn addoli Dionysios. Er gwaetha ymdrechion y proffwyd Tiresias, a'r cyn frenin Cadmos i annog Penthews i gydnabod Dionysios, nid yw'r brenin ymffrostgar yn plygu. Mae dialedd Dionysios yn frawychus.

Cyhoeddwyd y gwaith yn wreiddiol gan CAA a Dalier Sylw ym 1991, ac yna ei ail-gyhoeddi yn 2003 gan yr un Wasg.

Cymeriadau

• Dionysios - duw'r gwin [Dionysus]
• Penthews - arglwydd Thebai
• Cadmos - sylfaenydd Dinas Thebai a thaid Penthews
• Teiresias - proffwyd dall a gweledydd
• Agawe - mam Penthews a merch Cadmos
• Y Negesydd Cyntaf
• Yr Ail Negesydd
• Y Bacchai

Cynyrchiadau Nodedig

Llwyfanwyd y ddrama am y tro cyntaf gan Dalier Sylw ym 1991. Cyfarwyddwr y cynhyrchiad oedd Ceri Sherlock.; cynllunydd Eryl Ellis; cast:

• Dionysios - Rhodri Evan
• Penthews - Huw Garmon
• Cadmos - Owen Garmon
• Teiresias - Noel Williams
• Agawe - Christine Pritchard
• Y Negesydd Cyntaf - Geoffrey Morgan
• Yr Ail Negesydd - Gareth Morris
• Y Bacchai - Alun Elidyr, Lisa Palfrey, Grug-Maria Davies, Sian Summers, Siân Rivers, Nerys Lloyd, Rhian Davies a Nia Medi,