Windham Wyndham-Quin, 5ed Iarll Dunraven a Mount-Earl

Oddi ar Wicipedia
Jump to navigation Jump to search
Windham Wyndham-Quin, 5ed Iarll Dunraven a Mount-Earl
Windham Wyndham-Quin.jpg
Ganwyd 7 Chwefror 1857 Edit this on Wikidata
Bu farw 23 Hydref 1952 Edit this on Wikidata (95 oed)
Dinasyddiaeth Y Deyrnas Unedig, Teyrnas Unedig Prydain Fawr ac Iwerddon Edit this on Wikidata
Galwedigaeth Milwr, Gwleidydd Edit this on Wikidata
Swydd Aelod o 27ain Senedd y Deyrnas Unedig, Aelod o 26ain Senedd y Deyrnas Unedig Edit this on Wikidata
Gwobr/au Urdd Gwasanaeth Nodedig, Cydymaith Urdd y Baddon Edit this on Wikidata

Roedd y Cyrnol Windham Henry Wyndham-Quin, 5ed Iarll Dunraven a Mount-Earl, CB , DSO (7 Chwefror 1857 - 23 Hydref 1952) yn Swyddog ym myddin Prydain yn Aelod Seneddol Ceidwadol ar gyfer De Morgannwg, 1895-1906 ac yn aelod o’r bendefigaeth Wyddelig.[1]

Bywyd Personol[golygu | golygu cod y dudalen]

Ganwyd Wyndham-Quin yn Llundain, yn ail fab i Windham Henry Wyndham-Quin, ail Iarll Dunraven a Mount-Earl, a Caroline, merch y Llyngesydd Syr George Tyler o Barc Cotrel, Bro Morgannwg.

Cafodd ei addysgu yng Ngholeg Eton a'r Coleg Milwrol Brenhinol, Sandhurst.

Priododd y Fonesig Eva Constance Aline Bourke, merch Richard Southwell Bourke, 6ed Iarll Mayo. Bu iddynt dau fab ac un ferch.[2]

Gyrfa filwrol[golygu | golygu cod y dudalen]

Ymunodd â'r 16eg Lancers yn 1878 a bu'n gwasanaethu yn Rhyfel Cyntaf y Boer ym 1881. Daeth yn gapten ym 1886 gan wasanaethu yn India ym 1889. Bu'n adjutant gyda'r Royal Gloucester Hussars rhwng 1890 ac 1894 a chafodd ei ddyrchafu'n uwchgapten yn y 16th Lancers ym 1893. Gwasanaethodd yn Ne Affrica eto yn Ail Ryfel y Boer. Fe'i penodwyd yn gapten yn yr Iwmyn Imperialaidd ar 14 Chwefror 1900. [3] Cododd a gorchmynnodd 4ydd Cwmni (Morgannwg) yr Iwmyn Imperialaidd a adawodd Lerpwl ar yr SS Cymric ym mis Mawrth. Yn Ail Ryfel y Bore bu son amdano mewn cadlythyrau ac enillodd Fedal y Frenhines gyda thri chlesbyn a medal yr Urdd Gwasanaeth Nodedig (DSO). Fe'i hurddwyd yn Gydymaith Urdd y Baddon ym 1903.

Ar ôl dychwelyd o Dde Affrica, cododd a gorchmynnodd Iwmyn Imperialaidd Morgannwg fel catrawd lawn a olynodd y 4ydd Cwmni. Fe'i penodwyd yn Gyrnol anrhydeddus y gatrawd ar 19 Hyd 1901.

Gyrfa Wleidyddol[golygu | golygu cod y dudalen]

Yn etholiad cyffredinol 1895 fe'i hetholwyd yn Aelod Seneddol dros De Morgannwg, gan ennill sedd i'r Blaid Geidwadol.[4] Fe'i ail etholwyd ym 1900, ond collodd y sedd i'r Rhyddfrydwyr yn etholiad cyffredinol 1906. [5]

Fe wasanaethodd fel Uchel Siryf Swydd Kilkenny ym 1914.

Fe'i dyrchafwyd i'r Iarllaeth ar farwolaeth ei gefnder Windham Wyndham-Quin, 4ydd Iarll Dunraven a Mount-Earl, a fu farw ym 1926 heb olynydd gwrywaidd. Gan fod Iarll Dunraven a Mount-Earl yn deitl yn y bendefigaeth Wyddelig yn hytrach na phendefigaeth Prydain Fawr, nid oedd yn eistedd yn Nhŷ'r Arglwyddi.

Marwolaeth[golygu | golygu cod y dudalen]

Maen coffa

Bu farw yn Adare Manor, Swydd Limerick a rhoddwyd ei weddillion i orffwys yn Eglwys St. Nicholas, Adare, Swydd Limerick.

Cyfeiriadau[golygu | golygu cod y dudalen]

  1. Jones, J. G., (1997). WYNDHAM-QUIN, WINDHAM HENRY, 5ed IARLL DUNRAVEN a MOUNT-EARL (1857 - 1952), milwr a gwleidydd. Y Bywgraffiadur Cymreig. Adferwyd 14 Ion 2019, o https://bywgraffiadur.cymru/article/c4-WYND-HEN-1857
  2. (2007, December 01). Dunraven and Mount-Earl, 5th Earl of, (Col Windham Henry Wyndham-Quin) (7 Feb. 1857–23 Oct. 1952). WHO'S WHO & WHO WAS WHO. Ed. Retrieved 13 Jan. 2019, from http://www.ukwhoswho.com/view/10.1093/ww/9780199540891.001.0001/ww-9780199540884-e-236804.
  3. "MajorWyndhamQuin - Evening Express". Walter Alfred Pearce. 1901-05-04. https://hdl.handle.net/10107/3477947. Adalwyd 2019-01-14.
  4. "GLAMORGAN SOUTH 14227 - Evening Express". Walter Alfred Pearce. 1895-07-20. https://hdl.handle.net/10107/3254482. Adalwyd 2019-01-14.
  5. "Barry in Line with Wales II - Barry Herald". Barry Herald Company. 1906-01-26. https://hdl.handle.net/10107/3661553. Adalwyd 2019-01-14.
Senedd y Deyrnas Unedig
Rhagflaenydd:
Arthur John Williams
Aelod Seneddol De Morgannwg
18951906
Olynydd:
William Brace
Teitlau Pendefigaeth/Bonheddig
Rhagflaenydd:
Windham Wyndham-Quin
Iarll Dunraven a Mount-Earl
18761876
Olynydd:
Richard Wyndham-Quin