Urdd Gwasanaeth Nodedig

Oddi ar Wicipedia
Jump to navigation Jump to search
Distinguished Service Order correct.jpg
Data cyffredinol
Enghraifft o'r canlynolgwobr militaraidd, gwobr am ddewrder Edit this on Wikidata
Label brodorolDistinguished service order edit this on wikidata
Dechrau/Sefydlu6 Medi 1886 Edit this on Wikidata
SylfaenyddVictoria, brenhines y Deyrnas Unedig Edit this on Wikidata
Enw brodorolDistinguished Service Order Edit this on Wikidata
Tudalen Comin Ffeiliau perthnasol ar Gomin Wicimedia
Medal yr Urdd Gwasanaeth Nodedig.

Addurniad milwrol a wobrwyir i swyddog y Lluoedd Arfog Prydeinig am "wasanaethau nodedig yn ystod ymgyrchoedd yn y gad yn erbyn y gelyn"[1] yw'r Urdd Gwasanaeth Nodedig[2] (Saesneg: Distinguished Service Order; DSO).

Cychwynnodd ym 1886 dan y Frenhines Fictoria.[3] Ei nod oedd i greu addurniad i wobrwyo swyddogion ieuaf y Fyddin am wasanaeth nodedig a dewrder. Roedd modd i swyddogion hŷn y Fyddin ennill Urdd y Baddon, a'r Fedal Ymddygiad Nodedig oedd ar gael i'r rhengoedd is, ond nid oedd addurniad perthnasol ar gyfer swyddogion ieuaf ac eithrio Croes Fictoria. Yn hwyrach roedd y DSO hefyd ar gael i swyddogion is y Llynges Frenhinol, y Môr-filwyr Brenhinol a'r Awyrlu Brenhinol. Ers 1993, ni roddir y DSO bellach am ddewrder, ac yn ei lle mae'r Groes Dewrder Nodedig sydd ar gael i bob rheng ym mhob adran o'r lluoedd arfog. Nid oes cyfyngiadau swyddogol wrth wobrwyo'r DSO heddiw, ond gan amlaf fe'i rhoddir i swyddogion hŷn yn unig.[4] Mae hawl gan y rhai sydd wedi derbyn yr urdd i ddodi'r llythrennau DSO ar ddiwedd eu henwau. Mae modd i swyddogion o luoedd tramor i dderbyn yr urdd fel "aelodau anrhydeddus".[3]

Croes aur, ag ochrau crymion iddi, a gorchudd enamel gwyn yw medal yr urdd. Coronbleth lawryf, mewn enamel gwyrdd, o gwmpas y Goron Ymerodrol mewn aur, ar gefndir coch, sydd ar wyneb blaen y fedal. Ar y tu chwith i'r fedal mae coronbleth lawryf sy'n amgylchynu'r llythyrbleth VRI. Addurnir y barrau ar naill ochr y rhuban gan ddail llawryf. Lliw rhuddgoch yw'r rhuban, a stribedi glas ar ei ochrau. Ceir bar aur gyda'r Goron arni a roddir fel clesbyn i wobrwyo'r rhai sydd ganddynt DSO yn barod unwaith eto am wasanaeth nodedig.[4]

Cyfeiriadau[golygu | golygu cod y dudalen]

  1. (Saesneg) Military Honours and Awards. Y Weinyddiaeth Amddiffyn/Yr Archifau Cenedlaethol. Adalwyd ar 7 Tachwedd 2015.
  2. Geiriadur yr Academi, [cross: Distinguished Service Cross = Croes Gwasanaeth Nodedig].
  3. 3.0 3.1 (Saesneg) Distinguished Service Order (British military award). Encyclopædia Britannica. Adalwyd ar 7 Tachwedd 2015.
  4. 4.0 4.1 (Saesneg) Medals: Distinguished Service Order. gov.uk. Adalwyd ar 7 Tachwedd 2015.
Comin Wikimedia
Mae gan Gomin Wikimedia
gyfryngau sy'n berthnasol i: