Yr Archifau Cenedlaethol

yr Archifau Cenedlaethol
Math	archifdy cenedlaethol, adran anweinidogol o'r llywodraeth
Ardal weinyddol	Bwrdeistref Llundain Richmond upon Thames
Agoriad swyddogol	Ebrill 2003
Sefydlwyd	Ebrill 2003 ;
Daearyddiaeth
Lleoliad	Kew
Sir	Llundain Fwyaf; (Sir seremonïol)
Gwlad	Lloegr
Cyfesurynnau	51.48106°N 0.2797°W
	Ffeiliau perthnasol ar Comin
	[golygwch ar Wicidata]

Yr archif swyddogol a'r cyhoeddwr ar gyfer Llywodraeth y DU ac ar gyfer Lloegr a Chymru ydy'r Archifau Cenedlaethol (Saesneg: The National Archives). Mae'n adran anweinidogol Llywodraeth y DU; fe'i noddir gan yr Adran Ddigidol, Diwylliant, Cyfryngau a Chwaraeon. Mae gan yr Alban a Gogledd Iwerddon archifau cenedlaethol ar wahân, sef Cofnodion Gwladol yr Alban a Swyddfa Cofnodion Cyhoeddus Gogledd Iwerddon.

Crëwyd yr Archifau Cenedlaethol ym mis Ebrill 2003 trwy gyfuno'r Archifdy Gwladol a'r Comisiwn Llawysgrifau Hanesyddol. Ym mis Hydref 2006 cyfunodd â'r Swyddfa Gwybodaeth y Sector Cyhoeddus, a oedd yn cynnwys Llyfrfa Ei Mawrhydi. Ers mis Rhagfyr 2008 mae hefyd wedi cynnal Cronfa Ddata Cyfraith Statud y DU.

Mae pencadlys yr Archifau Cenedlaethol wedi'i leoli yn Kew, Llundain Fwyaf. Mae ganddynt swyddfa arall yn Norwich, Dwyrain Lloegr, ac mae rhai o'u cofnodion wedi'u storio'n ddiogel yng Nghloddfa Halen Winsford, Winsford, Swydd Gaer, Gogledd-orllewin Lloegr.^[1]