Walid Jumblatt

Oddi ar Wicipedia
Jump to navigation Jump to search
Walid Jumblatt
Jumblatt.jpg
Ganwyd 7 Awst 1949 Edit this on Wikidata
Beirut Edit this on Wikidata
Dinasyddiaeth Libanus Edit this on Wikidata
Alma mater
  • Prifysgol America yn Beirut Edit this on Wikidata
Galwedigaeth Gwleidydd Edit this on Wikidata
Plaid Wleidyddol Plaid Sosialaidd Flaengar Edit this on Wikidata
Tad Kamal Jumblatt Edit this on Wikidata
Plant Q59329580 Edit this on Wikidata

Arweinydd presennol y Blaid Sosialaidd Flaengar (PSF/y BSF) yn Libanus ac arweinydd amlycaf y gymuned Druz (Druze), gymuned grefyddol sy'n tarddu o Islam Shia ac sy'n cynrychioli 10% o boblogaeth Libanus, yw Walid Jumblatt (Arabeg: وليد جنبلاط‎‎) (ganed 7 Awst, 1949). Mae'n un o'r gwleidyddion gwrth-Syriaidd amlycaf yn Libanus ac mae mewn cynghrair gyda Cynghrair 14 Mawrth, clymblaid sy'n cynnwys y Courant du Futur (Mudiad y Dyfodol), y Forces libanaises (Lebanese Forces) a Cymanfa Qornet Chehwan. Mae'n Aelod o Senedd Libanus.

Mae Jumblatt yn bennaeth y tylwyth Jumblatt, teulu estynedig o dras Cyrdaidd sy'n hannu o Aleppo. Mae'n fab i'r gwleidydd Kamal Jumblatt, cyn-arweinydd y BSF, plaid Walid Jumblatt, a guddlofruddwyd. Y tylwyth Jumblatt yw'r mwyaf pwerus o dylwythau'r Druziaid ac mae Walid Jumblatt wedi defnyddio ei safle yn y gymuned Druz fel sylfaen ei rym yn y BSF, sy'n blaid i'r chwith o'r canol. Mae'n cael ei ystyried yn dipyn o faferic gwleidyddol gyda buddianau y gymuned Druz yn flaenoriaeth. Hyd at 2000, pan guddlofruddwyd y gwleidydd Hafez al-Assad, bu'n gefnogol i Syria yn Libanus, ond ers hynny mae'n galw ar i Damascus ildio ei goruchafiaeth ar faterion y wlad. Mae'n gwrthwynebu dylanwad Hezbollah hefyd.

Gyda milisia Druz sylweddol yn gefn iddo, mae Jumblatt yn byw ym mhentref Mukhtara ar lethrau Mynydd Libanus, prif ardal y Druz yn Libanus.

Dolenni allanol[golygu | golygu cod y dudalen]


Flag of Lebanon.svg Eginyn erthygl sydd uchod am Libanus. Gallwch helpu Wicipedia drwy ychwanegu ato.