Stadiwm Ffordd Farrar

Oddi ar Wicipedia
Jump to navigation Jump to search
Stadiwm Ffordd Farrar
Farrar Road Stadium.JPG
Math stadiwm Edit this on Wikidata
Daearyddiaeth
Sir Bangor Edit this on Wikidata
Gwlad Y Deyrnas Unedig Edit this on Wikidata
Cyfesurynnau 53.2242°N 4.1314°W Edit this on Wikidata
Stadiwm Ffordd Farrar
Farrar Road Stadium.JPG
Golygfa o Ffordd Farrar
Enw llawn Stadiwm Ffordd Farrar
Lleoliad Bangor, Gwynedd
Agorwyd 1879
Dymchwelwyd 2011
Tenantiaid
Clwb Criced Bangor (1879-1929)
C.P.D. Dinas Bangor (1920-2011)

Stadiwm chwaraeon yn ninas Bangor, Gwynedd oedd Ffordd Farrar. Fe'i hagorwyd ym 1879 wedi i'r Arglwydd Penrhyn roi llecyn o dir i glwb criced y ddinas.[1] Roedd yn gartref i Glwb Pêl-droed Dinas Bangor am 91 o flynyddoedd cyn cael eid dymchwel yn 2012 er mwyn adeiladu archfarchnad.[2]

Blynyddoedd cynnar[golygu | golygu cod y dudalen]

Cafodd y tir ger y British Hotel ei gyflwyno i Glwb Criced Bangor ym 1879 gan yr Arglwydd Penrhyn ond ar ôl gwaith atgyweirio i lefelu'r maes ym 1894-95, dechreuodd clwb hoci Prifysgol Bangor ddefnyddio'r maes tra bod clwb pêl-droed Bangor hefyd yn gwneud defnyddio o'r cae ar gyfer gemau yng Nghwpan Cymru gan fod eu maes arferol ym Maes y Dref yn rhy fychan.[1]

Roedd Maes y Dref wedi ei droi'n randdaliadau yn ystod y Rhyfel Byd Cyntaf felly ar ddiwedd y rhyfel symudodd Clwb Pêl-droed Dinas Bangor i Ffordd Farrar yn barhaol gan rannu'r maes efo'r clwb criced hyd nes 1929 pan symudodd y clwb criced i faes newydd yn Llandegai.[1][3]

Y Stadiwm[golygu | golygu cod y dudalen]

Ym 1930 prynnodd y clwb hen eisteddle Caernarvon Athletic am £80 wedi'r clwb o Gaernarfon fynd i'r wal a chafodd yr eisteddle newydd ei chodi ar ochr Ffordd Farrar y maes. Ym 1936 agorwyd eisteddle pren newydd ar ochr Ffordd Sackville y maes er cof am Arnold Dargie, cyn chwaraewr gyda Bangor, Lerpwl a thîm amatur Cymru. Arianwyd yr eisteddle gan Thomas Dargie, tad Arnold, oedd hefyd yn lywydd Cymdeithas Bêl-droed Arfordir Gogledd Cymru. Roedd Eisteddle Dargie yn cael ei ddefnyddio hyd nes dymchwel y maes yn 2012.[1]

Gemau cofiadwy[golygu | golygu cod y dudalen]

Cynhaliwyd rownd derfynol Cwpan Cymru rhwng Caerdydd a Bangor ar Ffordd Farrar ym 1927-28 gyda 12,000 o dorf yn dod i wylio'r Adar Gleision yn trechu'r tîm cartref 2-0[4] ac ym 1952-53 cynhaliwyd rownd derfynol Cwpan Cymru ar y maes, gêm welodd Y Rhyl yn curo Dinas Caer 2-1.[5]

Ym 1962, llwyddodd Bangor i drechu Napoli 2-0 yng Nghwpan Enillwyr Cwpanau Ewrop a dod y tîm cyntaf o Gymru i ennill yn un o gystadlaethau Uefa.[6] ac ym 1985, croesawyd Atlético Madrid i Ffordd Farrar yn yr un gystadleuaeth.[7]

Gêm olaf[golygu | golygu cod y dudalen]

Ym mis Ebrill 2011 rhoddodd Gyngor Gwynedd hawl cynllunio i gwmni Asda i ddymchwel y stadiwm a chodi archfarchnad newydd gan ganiatau Bangor i symud i stadiwm newydd yn Nantporth.[8] Chwaraewyd y gêm olaf ar Ffordd Farrar ar 27 Rhagfyr 2011 wrth i Fangor drechu Prestatyn 5-3 yn Uwch Gynghrair Cymru.[9]

Gweler hefyd[golygu | golygu cod y dudalen]

Cysylltiadau Allanol[golygu | golygu cod y dudalen]

Cyfeiriadau[golygu | golygu cod y dudalen]

  1. 1.0 1.1 1.2 1.3 "Highlights from the history of Bangor City's Farrar Road stadium". Bangor City FC Historical Blog. Unknown parameter |published= ignored (help)
  2. "Demolition begins at Bangor City FC's Farrar Road ground". Daily Post.
  3. "Bangor timeline". Bangor Civic Society.
  4. "1927-28 Cardiff City 2-0 Bangor City". Welsh Football Data Archive. Unknown parameter |published= ignored (help)
  5. "1952-53 Rhyl 2-1 Chester City". Welsh Football Data Archive. Unknown parameter |published= ignored (help)
  6. "Bangor City say farewell in style to Farrar Road ground". Unknown parameter |published= ignored (help)
  7. "Bangor City celebrate 30th anniversary of Atletico Madrid tie". Daily Post. Unknown parameter |published= ignored (help)
  8. "Bangor City's Farrar Road ground to be replaced by Asda". BBC Cymru. Unknown parameter |published= ignored (help)
  9. "Gwledd o Goliau yng Ngêm Olaf Ffordd Farrar". Golwg360. Unknown parameter |published= ignored (help)