Mair Davies (cenhades)

Oddi ar Wicipedia
Jump to navigation Jump to search
Mair Davies
Ganwyd 1935 Edit this on Wikidata
Bu farw 20 Awst 2009 Edit this on Wikidata
Dinasyddiaeth Baner Cymru Cymru
Galwedigaeth cenhadwr Edit this on Wikidata

Cenhades Gymreig oedd Mair Davies (193520 Awst 2009)[1] a dreuliodd rhan helaeth o'i bywyd yn gweithio yn Nhrelew, Patagonia, yr Ariannin. Cawsai ei hadnabod weithiau fel Miss Mair. Yn 2010, cyhoeddwyd y llyfr "Hyd Eithaf y Ddaear" sy'n sôn am ei hatgofion a theyrngedau a wnaed iddi ar ôl ei marwolaeth.

Cafodd ei geni ar fferm Bercoed Ganol ym Mhentre Cwrt, ger Llandysul yn un o wyth o blant. Ar y 23 Tachwedd, 1963[2], pan yn 28 oed, aeth i Batagonia fel cenhades gyda'r Methodistiaid. Aeth i Bariloche yn yr Andes i ddysgu Sbaeneg er mwyn medru cyfathrebu â'r trigolion lleol y byddai'n gweithio â hwy. Pan ddaeth ei chytundeb i ben, arhosodd Mair Davies yn y Wladfa er mwyn cynorthwyo gyda'r capeli Cymraeg.[3] Davies oedd yr unig gweinidog a oedd yn pregethu trwy gyfrwng y Gymraeg, ar wahan i ambell bregethwr a oedd yn ymweld â'r Wladfa.

Agorodd siop lyfrau Cristnogol yn Nhrelew ym 1974 ac ail siop yn Comodoro. Yn hwyrach, caeodd y siop honno gan agor siop arall ym Mhorth Madryn a oedd dipyn yn agosach yn ddaearyddol.

Bu farw ar 20 Awst, 2009 yn Nhrelew ac fe'i claddwyd ym mynwent y Gaiman.

Cyfeiriadau[golygu | golygu cod y dudalen]

  1. Marw Mair Davies BBC Cymru Tramor. Cathrin Williams. Adalwyd 14-03-2010
  2. Emyr, G: Hyd Eithaf y Ddaear, td47. Gwasg y Bwthyn, 2010
  3. In the valleys of Patagonia, the talk is of an astonishing revival of the Welsh language Marcus Tanner. The Independent. 19-04-2010. Adalwyd ar 14-03-2010