Mahmoud Ahmadinejad

Oddi ar Wicipedia
Mahmoud Ahmadinejad
محمود احمدی‌نژاد
Arlywydd Iran
Yn ei swydd
3 Awst 2005 – 3 Awst 2013
Vice PresidentParviz Davoodi
Mohammad-Reza Rahimi
Uwch ArweinyddAli Khamenei
Rhagflaenwyd ganMohammad Khatami
Dilynwyd ganHassan Rouhani
Maer Tehran
Yn ei swydd
20 Mehefin 2003 – 3 Awst 2005
DirprwyAli Saeedlou
Rhagflaenwyd ganMohammad-Hassan Malekmadani
Dilynwyd ganMohammad-Bagher Ghalibaf
Llywiawdwr Ardabil
Yn ei swydd
1 Mai 1993 – 28 Mehefin 1997
Rhagflaenwyd ganHossein Taheri (Dwyrain Azerbaijan)
Dilynwyd ganJavad Negarandeh
Manylion personol
Ganwyd (1956-10-28) 28 Hydref 1956 (67 oed)
Aradan, Iran
Plaid wleidyddolCynghrair Adeiladwyr Iran
(2003–presennol)
Cysylltiadau gwleidyddol
arall
Cymdeithas Islamaidd y Peiriannwyr (1990–2005)
PriodAzam Farahi (1981–presennol)[1]
PlantMehdi
Alireza
Fatemeh
CartrefNarmak
Alma materPrifysgol Gwyddoniaeth a Thechnoleg Iran
GalwedigaethPeiriannydd Sifil
LlofnodLlofnod Mahmoud Ahmadinejad
GwefanGwefan swyddogol

Mahmoud Ahmadinejad (Persieg: محمود احمدی نژاد ) (neu Mahmud Ahmadinajad/ Ahmadinezhad / Ahmadi-Nejad / Ahmadi Nejad / Ahmady Nejad) (ganwyd 28 Hydref, 1956) oedd arlywydd Iran o 2005 hyd 2013. Cafodd ei eni yn Garmser, ger Tehran. Mae'n ddyn dysgedig ac fe gafodd ddoethuriaeth (PhD) ym Mhrifysgol Technoleg a Gwyddoniaeth Iran yn 1997; gradd mewn peirianneg sifil. Bu hefyd yn darlithio yno o 1989 ymlaen. Mae'n briod ac mae ganddo ddau fab a merch.

Cymerodd drosodd ar ôl Mohammad Khatami fel chweched arlywydd ei wlad ar 3 Awst, 2005. Fe'i olynwyd gan Hassan Rouhani.

O ran ei wleidyddiaeth mae'n geidwadwr ar un ystyr ac eto'n awyddus i weld rhai newidiadau yn Iran, yn arbennig ym myd addysg wyddonol a datblygiad economaidd.

Mae'n adnabyddus am ei feirniadaeth hallt o lywodraeth George W. Bush yn yr Unol Daleithiau ac Israel. Yn ddiweddar mae Ahmadinejad wedi denu sylw am ei barodrwydd i barhau â rhaglen ynni niwclear Iran yn wyneb condemniad y Gorllewin, ac yn neilltuol America. Yn ogystal mae wedi datgan ei fod yn dymuno gweld Israel yn cael ei dileu o fap y byd ac wedi mynegi ei farn nad oedd yr Holocost hanner mor eang ag a dybir yn gyffredinol.

Sancsiynau[golygu | golygu cod]

Ar 09 Mehefin 2010 fe basiodd Cyngor Diogelwch y Cenhedloedd Unedig y dylid gosod sancsiynau ar Iran. Cytunodd Rwsia a Tsiena gyda'r mesur ar ôl cryn bwysau gan yr Unol Daleithiau; ataliodd Libanus a phleidleisiodd Twrci a Brasil yn erbyn y cynnig. Dyma bedwerydd rownd o sancsiynau gan y C.U. ers 2006 a grëwyd gyda'r bwriad o atal Iran rhag puro Wraniwm. Dywedodd yr Arlywydd Mahmoud Ahmadinejad, "The ressolutions you issue are like a used handkerchief which should be thrown in the bin."[2]

Gweler hefyd[golygu | golygu cod]

Cyfeiriadau[golygu | golygu cod]

  1. "Iran's first lady makes rare speech at Rome summit". Fox News. Associated Press. 2009-11-15. Cyrchwyd 2011-06-01.
  2. The Times, 10 Mehefin 2010.
Rhagflaenydd:
Mohammad Khatami
Arlywydd Iran
3 Awst 20053 Awst 2013
Olynydd:
Hassan Rouhani

Dolenni allanol[golygu | golygu cod]


Baner IranEicon person Eginyn erthygl sydd uchod am Iraniad. Gallwch helpu Wicipedia drwy ychwanegu ato.