John Dyer

Oddi ar Wicipedia
Neidio i: llywio, chwilio

Bardd yn yr iaith Saesneg a pheintiwr oedd John Dyer (169915 Rhagfyr 1757), a aned yn Llanfynydd, Sir Gaerfyrddin ac a ymfalchiai yn ei linach Gymreig. Fe'i gwnaed yn offeiriad yn Eglwys Lloegr yn 1741.[1] Cyfeirir ato mewn soned gan y bardd Wordsworth, To The Poet, John Dyer[2]

Mae John Dyer yn adnabyddus yn bennaf am ei gerdd "Grongar Hill" a hefyd The Ruins of Rome, The Fleece a Written at Ocriculum. Ymhlith ei luniau sydd wedi goroesi y mae llun dyfrlliw o gastell Caerffili (1733).

Byr iawn oedd ei boblogrwydd wedi cyhoeddi ei gerdd fwyaf, Grongar Hill, er i'r bardd John Gray frolio'i ddychymyg a'i arddull, “more of poetry in his imagination than almost any of our number, but rough and injudicious.”[1]

Geni a magu[golygu | golygu cod y dudalen]

Fe'i anwyd y pedwerydd plentyn allan o chwech i Robert a Catherine Cocks Dyer yn Llanfynydd, Sir Gaerfyrddin - pum milltir o gastell ar fryn o'r enw Grongar Hill.

Plasdy Aberglasni yn 2015

Ni wyddys union ddyddiad ei eni, ond gwyddom iddo gael ei fedyddio ar 13 Awst 1699, ac felly y byddai wedi'i eni rywdro yn y pythefnos cyn y diwrnod hwnnw.[3] Roedd ei daid yn warden yn Eglwys Llanfynydd a'i dad yn gyfreithiwr llwyddiannus a oedd yn berchen ar sawl adeilad yn yr ardal. Oherwydd fod iddynt chwech o blant, symudodd y teulu i fyw i blasdy Aberglasni. Sonia John Dyer am y fan hon yn ei gerdd "The Country Walk" .

Ysgol fonedd yn Llundain yw Coleg Brenhinol Sant Pedr a adwaenir fel 'Ysgol Westminster' (Saesneg: Westminster School). Fe'i lleolir yn Westminster, ger yr Abaty, ac i'r ysgol honno y danfonwyd John rhwng 1711 a 1733,[4] ysgol yr oedd yn ei chasau. Oddi yno, dychwelodd i Gymru fel prentis cyfreithiwr yn swyddfa'i dad.

Llyfryddiaeth[golygu | golygu cod y dudalen]

  • Belinda Humfrey, John Dyer (Cyfres Writers of Wales, Caerdydd, 1980).

Cyfeiriadau[golygu | golygu cod y dudalen]

  1. 1.0 1.1 Shaw, Thomas B. A Complete Manual of English Literature. Ed. William Smith. New York: Sheldon & Co., 1872. 372. Print.
  2. Gerrard, Christine. "John Dyer (1699-1757)." Eighteenth-Century Poetry An Annotated Anthology (Blackwell Annotated Anthologies). Ail rifyn. Grand Rapids: Blackwell Limited, 2004. 239-59. Print.
  3. Williams, Ralph M. Poet, Painter and Parson the Life of John Dyer. New York: Bookman Associates, 1956. 21. Print.
  4. Williams, Ralph M. Poet, Painter and Parson the Life of John Dyer. Efrog Newydd: Bookman Associates, 1956. 25. Print.


Baner CymruEicon person Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.