Joey Jones
| Gwybodaeth Bersonol | |||
|---|---|---|---|
| Enw llawn | Joseph Patrick Jones | ||
| Dyddiad geni | 4 Mawrth 1955 | ||
| Man geni | Llandudno | ||
| Dyddiad marw | 22 Gorffennaf 2025 (70 oed) | ||
| Safle | Amddiffynnwr | ||
| Gyrfa Lawn* | |||
| Blwyddyn | Tîm | Ymdd† | (Gôl)† |
| 1973–1975 | Wrecsam | 98 | (2) |
| 1975–1978 | Lerpwl | 72 | (3) |
| 1978–1982 | Wrecsam | 146 | (6) |
| 1982–1985 | Chelsea | 78 | (2) |
| 1985–1987 | Huddersfield Town | 68 | (3) |
| 1987–1992 | Wrecsam | 132 | (11) |
| Cyfanswm | 594 | (27) | |
| Tîm Cenedlaethol | |||
| Cymru dan 23 | 4 | (0) | |
| 1975–1986 | Cymru[1] | 72 | (1) |
| Timau a Reolwyd | |||
| 2001 | Wrecsam | ||
| * Cyfrifir yn unig: ymddangosiadau i Glybiau fel oedolyn a goliau domestg a sgoriwyd.. † Ymddangosiadau (Goliau). | |||
Chwaraewr pêl-droed o Gymru oedd Joey Jones (4 Mawrth 1955 – 22 Gorffennaf 2025).[2][3] Chwaraeodd i glybiau Lerpwl a Wrecsam a thîm cenedlaethol Cymru. Jones oedd y Cymro cyntaf i ennill Cwpan Pencampwyr Ewrop pan oedd yn aelod o dîm Lerpwl a drechodd Borussia Mönchengladbach ym 1977.[4]
Gyrfa clwb
[golygu | golygu cod]Wrecsam
[golygu | golygu cod]Ymunodd Jones â Wrecsam ym 1971 gan wneud ei ymddangosiad cyntaf i'r clwb yn erbyn Caer yng Nghwpan Cymru.[5] Er i Wrecsam golli'r gêm, gwnaeth ei ymddangosiad cyntaf yn y gynghrair yn erbyn Rotherham United yn y gêm nesaf.[6]
Aeth Jones ymlaen i fod yn aelod allweddol o’r tîm gyrhaeddodd rownd yr wyth olaf o Gwpan FA Lloegr am y tro cyntaf yn hanes Wrecsam ym 1973-74 a llwyddodd i ennill Cwpan Cymru ym 1974-75 wrth i Wrecsam drechu Caerdydd yn y rownd derfynol.[5][6]
Lerpwl
[golygu | golygu cod]Yn ystod yr haf ym 1975 cafodd Jones ei brynnu gan Lerpwl am £110,000[5][7] a gwaneth ei ymddangosiad cyntaf yn erbyn Queens Park Rangers yng ngêm agoriadol tymor 1975-76[8]. Er na llwyddodd i wneud ei farc yn ystod ei dymor cyntaf, llwyddodd i ddod yn aelod allweddol o'r tîm ar gyfer tymor 1975-76 wrth i Lerpwl ennill Cynghrair Lloegr, Cwpan Pencampwyr Ewrop a chyrraedd rownd derfynol Cwpan FA Lloegr.
Er ei lwyddiant ym 1976-77, roedd Jones yn ei chael yn anodd i gadw ei le yn y tîm y tymor canlynol. Roedd yn eilydd yn rownd derfynol Cwpan Pencampwyr Ewrop yn erbyn Club Brugge yn Stadiwm Wembley a dychwelodd i Wrecsam yn ystod haf 1978 ar ôl gwneud 100 o ymddangosiadau dros Lerpwl.[7]
Wrecsam
[golygu | golygu cod]Dychwelodd i Wrecsam ar gyfer tymor 1978-79 am £210,000, ffi sy'n parhau i fod yn record i'r clwb.[6]
Chelsea
[golygu | golygu cod]Wedi pedwar tymor gyda Wrecsam, cafodd Jones ei brynnu gan Chelsea am £34,000 ym 1982 gan ailymuno â chyn reolwr Wrecsam, John Neal yn Stamford Bridge. Roedd yn rhan o'r tîm lwyddodd i osgoi disgyn i'r Drydedd Adran ar ddiwrnod olaf y tymor cyn sicrhau pencampwriaeth yr Ail Adran a dyrchafiad i'r Adran Gyntaf yn nhymor 1983-84. Ond wedi tymor yn y brif adran cafodd Jones ei werthu i Huddersfield Town am £35,000 yn Awst 1985.[9]
Huddersfield a Wrecsam
[golygu | golygu cod]Treuliodd Jones dau dymor gyda Huddersfield, a cafodd ei enwebu'n Chwaraewr y Tymor gan y cefnogwyr yn ystod ei dymor cyntaf.
Dychwelodd i Wrecsam ym 1987 a cafodd ei benodi'n chwaraewr/hyfforddwr y clwb pan benodwyd Brian Flynn yn rheolwr yn Rhagfyr 1989. Cyhoeddodd ei ymddeoliad o chwarae pêl-droed ym Mawrth 1992.[6]
Gyrfa ryngwladol
[golygu | golygu cod]Gwnaeth Jones ei ymddangosiad cyntaf dros Gymru yn erbyn Awstria ar Y Cae Ras, Wrecsam yn ystod gemau rhagbrofol Euro 76[10]. Llwyddodd Jones i dorri record Ivor Allchurch am y nifer fwyaf o gapiau dros ei wlad wrth ennill cap rhif 69 yn erbyn Gweriniaeth Iwerddon ym 1986[11][12].
Aeth ymlaen i ennill 72 o gapiau dros Gymru[13][14] - record oedd yn sefyll hyd nes i Peter Nicholas ennill cap rhif 73 yn 1991[14][15]
Bywyd personol
[golygu | golygu cod]Bu farw Jones yn 70 mlwydd oed.[16]
Anrhydeddau
[golygu | golygu cod]- Cwpan Cymru (1): 1974–75
- Cynghrair Lloegr (1): 1976-77
- Cwpan Pencampwyr Ewrop (2): 1976-77, 1977-78
- Cwpan UEFA (1): 1975-76
- Super Cup UEFA (1): 1977
- Ail Adran Cynghrair Lloegr (1): 1983-84
Cyfeiriadau
[golygu | golygu cod]- ↑ "Wales – Record International Players". RSSSF.com.
- ↑ "Joey Jones: Ex-Wales, Liverpool and Wrexham defender dies aged 70". BBC Sport (yn Saesneg). 22 Gorffennaf 2025. Cyrchwyd 22 Gorffennaf 2025.
- ↑ Jones, Joey (2005). Oh Joey, Joey!. JohnBlake. t. 2. ISBN 9 781844 541355.
- ↑ "Joey Jones: Wales' first European Cup winner". BBC Sport. BBC Sport Online.
- 1 2 3 "Heddiw Mewn Hanes: Mawrth 4". Sgorio. s4c.cymru.
- 1 2 3 4 "Hall of Fame". Wrexham AFC. wrexhamafc.co.uk. Archifwyd o'r gwreiddiol ar 2014-04-16. Cyrchwyd 2015-07-22.
- 1 2 "Profile: Joey Jones". LFChistory. lfchistory.net.
- ↑ "1975-76 QPR v Liverpool". 11v11.
- ↑ "Chelsea Sporting Heroes: Joey Jones". Sporting-Heroes.net.
- ↑ "1975: Wales v Austria". eu-football.info. eu-football.info.
- ↑ "Heddiw Mewn Hanes: Mai 22". Sgorio. s4c.cymru.
- ↑ "1986: Rep.Ireland v Wales". eu-football.info. eu-football.info.
- ↑ "1986: Canada v Wales". eu-football.info. eu-football.info.
- 1 2 "Wales - Record International Players". RSSSF. rsssf.com.
- ↑ "1991: Wales v Luxembourg". eu-football.info. eu-football.info.
- ↑ "Cyn-chwaraewr Cymru, Joey Jones wedi marw yn 70 oed". newyddion.s4c.cymru. 2025-07-22. Cyrchwyd 2025-07-22.