Huw Llwyd
| Huw Llwyd | |
|---|---|
| Ffugenw | Huw Llwyd  |
| Ganwyd | c. 1568 Cynfal-fawr |
| Bu farw | c. 1630 |
| Dinasyddiaeth |  Cymru |
| Galwedigaeth | bardd |
Bardd yn y Gymraeg a milwr oedd Huw Llwyd (1568? - 1630?), a aned yng Nghynfal-fawr (filltir i'r de o Ffestiniog) ym mhlwyf Maentwrog yn yr hen Sir Feirionnydd (de Gwynedd heddiw), gogledd Cymru. Roedd Huw yn perthyn i'r un teulu â'r llenor a chyfrinydd Morgan Llwyd.
Bywgraffiad[golygu | golygu cod]
Fel milwr bonheddig gwasanaethai dan Syr Roger Williams yn Ffrainc a'r Iseldiroedd ym myddin yr Iseldirwyr a oedd yn ymladd i ennill rhyddid i'w gwlad oddi ar Sbaen.
Fel bardd canai ar ei fwyd ei hun yn hytrach na fel bardd proffesiynol. Ymhlith ei hoff bynciau oedd dewiniaeth a helwriaeth. Tyfodd i fod yn cymeriad llên gwerin a gysylltid â dewiniaeth. Gelwir craig fawr ger Afon Cynfal yn Bwlpud Huw Llwyd; dywedir ei fod yn mynd yno i synfyfyrio ac i gonsurio ac o'r herwydd tybiai pobl ei fod yn Ddyn Hysbys.
Cerddi[golygu | golygu cod]
Ei gerdd fwyaf adnabyddus efallai yw 'Cyngor y Llwynog'. Ymddiddan cellweirus rhwng y bardd a llwynog ydyw, gyda'r llwynog yn cynnig cyngor iddo ar sut i lwyddo yn y byd drwy ddichell.[1]
Llyfryddiaeth[golygu | golygu cod]
- Huw Llwyd, 'Cyngor y Llwynog': Thomas Parry (gol.), Blodeugerdd Rhydychen o Farddoniaeth Gymraeg (Gwasg Prifysgol Rhydychen), cerdd 119.
Cyfeiriadau[golygu | golygu cod]
- ↑ Thomas Parry (gol.), Blodeugerdd Rhydychen o Farddoniaeth Gymraeg (Gwasg Prifysgol Rhydychen), cerdd 119.
