Gareth Ffowc Roberts

Oddi ar Wicipedia
(Ailgyfeiriad oddi wrth Gareth Ff. Roberts)
Jump to navigation Jump to search
Gareth Ffowc Roberts
Ganwyd 23 Mai 1945 Edit this on Wikidata
Treffynnon Edit this on Wikidata
Cenedl Baner Cymru Cymru
Alma mater
Galwedigaeth athro emeritus Edit this on Wikidata
Cyflogwr

Mae Gareth Ffowc Roberts yn awdur ac yn Athro Emeritws mewn Addysg ym Mhrifysgol Bangor ac yn ŵr sydd wedi poblogeiddio mathemateg drwy gyfrwng y Gymraeg ers y 1980au mewn erthyglau a llyfrau ac ar y cyfryngau. Mae ganddo ddiddordeb arbennig yn y dulliau newydd o gaffael cysyniadau mathemategol mewn cyd-destunau dwyieithog. Dywed ar ei wefan: "Poblogeiddio mathemateg yw fy nod trwy ddangos fod y pwnc difyr hwn yn cyffwrdd pob un ohonom."[1]

Yn 2010 dyfarnwyd iddo'r Fedal Gwyddoniaeth a Thechnoleg gan yr Eisteddfod Genedlaethol[2] a blwyddyn yn ddiweddarach, yn Eisteddfod Wrecsam a'r Fro yn 2011, fe'i derbyniwyd i wisg wen er anrhydedd, Gorsedd y Beirdd[2].

Magwraeth a gwaith[golygu | golygu cod y dudalen]

Mae'n hannu o Dreffynnon, Sir y Fflint lle derbyniodd ei addysg gynradd ac uwchradd. Bu'n Ymgynghorydd Mathemateg gyda Chyngor Sir Gwynedd cyn symud i’r Coleg Normal, Bangor ble daeth yn Brifathro’r coleg ac yna'n Ddirprwy Is-Ganghellor Prifysgol Cymru, Bangor ac yna'n Athro Addysg yn y brifysgol honno[2].

Ennillodd ei radd mewn Mathemateg ym Mhrifysgol Rhydychen, ennillodd ddoethuriaeth o Brifysgol Nottingham[2] ac ym Mawrth 2018 fe'i gwnaed yn Gymrodor y Coleg Cymraeg Cenedlaethol.

Traddododd ddarlith ar y cyd gyda Dr Rowland Wynne yn Llyfrgell Genedlaethol Cymru ar y 7fed o Hydref 2015 oedd â'r teitl Copenhagen a Chymru[3]. Roedd y ddarlith yma yn un o gyfres o ddarlithiau gwyddonol a drefnwyd i gyd-fynd â arddangosfa Dirgel Ffyrdd Natur yn y Llyfrgell Genedlaethol rhwng y 7fed o Orffennaf 2015 a'r 9fed o Ionawr 2016[4].

Bywyd personol[golygu | golygu cod y dudalen]

Mae'n briod a Menna ac mae ganddo ddau o blant - Llinos sy'n feddyg teulu yng Nghaerfyrddin ac sydd wedi ymddangos yn rheolaidd ar deledu (cyfres Doctor Doctor a Prynhawn Da), a Huw Meredydd sy'n gweithio gyda'r BBC ac yn fwy adnabyddus fel y cerddor Huw M.[5]

Llyfryddiaeth[golygu | golygu cod y dudalen]

  • Robert Recorde (The Life and Times of a Tudor Mathematician) (Gwasg y Brifysgol; 15 Hyd 2013)[6]
  • Mae Pawb yn Cyfrif (Gwasg Gomer 2012) - Trafodaeth ar agweddau cyfoes y Cymry at rifau a rhifo.[7]
  • Posau Pum Munud (cyfrol 1 a 2) (Gwasg Gomer 2014) - Pigion o bosau dyddiol a drydarwyd ar Twitter[8].
  • Count Us In (Gwasg Prifysgol Cymru; 2016) - cyfrol Saesneg am le mathemateg yng Nghymru a Chymru o fewn y byd mathemateg.

Erthyglau o bwys:[golygu | golygu cod y dudalen]

Cyfeiriadau[golygu | golygu cod y dudalen]

  1. Gwefan Gareth Ffowc Roberts; adalwyd 27 Tachwedd 2015
  2. 2.0 2.1 2.2 2.3 Gwefan Llenyddiaeth Cymru; adalwyd 27 Tachwedd 2015
  3. https://www.llgc.org.uk/blog/?p=9976&lang=cy
  4. https://www.llgc.org.uk/blog/?m=201506&lang=cy
  5. Beti a'i Phobol
  6. 'Robert Recorde (The Life and Times of a Tudor Mathematician); Gwasg Prifysgol Cymru; EAN: 9780708326824; Cyhoeddwyd: 15 Hyd 2013
  7. Gwefan gwales; adalwyd Tachwedd 2015
  8. Cyfri Twitter Gareth Roberts; adalwyd Tachwedd 2015