David Powel

Oddi ar Wicipedia
Jump to navigation Jump to search
David Powel
Ganwyd 1549 Edit this on Wikidata
Bu farw 1598 Edit this on Wikidata
Dinasyddiaeth Baner Cymru Cymru
Alma mater
Galwedigaeth Hanesydd, clerigwr Edit this on Wikidata

Clerigwr a hanesydd Cymreig oedd David Powel (tua 15521598). Mae'n adnabyddus yn bennaf fel awdur y gyfrol ddylanwadol Historie of Cambria, now called Wales.

Bywgraffiad[golygu | golygu cod y dudalen]

Roedd yn fab i Hywel ap Dafydd o Llandysilio-yn-Iâl a Bryneglwys yn Sir Ddinbych. Aeth i astudio i Rydychen tua 1568, gan symud i Goleg Iesu pan sefydlwyd hwnnw yn 1571. Dywedir mai ef oedd y person cyntaf i raddio o'r coleg.

Dath yn ficer Rhiwabon yn 1570 ac ychwanegodd ficeriaeth Llanfyllin yn 1571, cyn cyfnewid Llanfyllin am ficeriaeth Meifod yn 1579. Yn 1588/9 daeth yn rheithor Llansantffraid-ym-Mechain. Dywedir iddo gynorthwyo yr Esgob William Morgan i gyfieithu'r Beibl.

Ym 1583 gofynnwyd iddo baratoi cyfieithiad Humphrey Lhuyd o Frut y Tywysogion i'r wasg. Helaethodd Powel ar y gwaith yma, ac yn 1584 cyhoeddodd Historie of Cambria, now called Wales, carreg filltir bwysig iawn yn hanesyddiaeth Cymru.

Priododd Elisabeth, ferch Cynwrig o Farchwiail, a chawsant dri mab.

Cyfeiriadau[golygu | golygu cod y dudalen]


Planned section.svg Eginyn erthygl sydd uchod am lenor neu awdur Cymreig. Gallwch helpu Wicipedia drwy ychwanegu ato.