C.P.D. Alexandra Yr Wyddgrug

Oddi ar Wicipedia
Jump to navigation Jump to search
Alexandra Yr Wyddgrug
Enw llawn C.P.D. Alexandra Yr Wyddgrug
Llysenw(au) Alex
Sefydlwyd 1929
Maes Parc Alyn
Rheolwr Baner Cymru Sean Rogers
Cynghrair Cynghrair Undebol

Clwb pêl-droed o dref Yr Wyddgrug, Sir Y Fflint yw Clwb Pêl-droed Alexandra Yr Wyddgrug (Saesneg: Mold Alexandra Football Club) sy'n chwarae yng Nghynghrair Undebol Huws Gray, sef prif adran gogledd Cymru ac ail reng pyramid pêl-droed cenedlaethol Cymru.

Ffurfwyd y clwb yn 1929[1] ac maent yn chwarae eu gemau cartref ar Barc Alun.

Pêl-droed yn Yr Wyddgrug[golygu | golygu cod y dudalen]

Roedd C.P.D. Yr Wyddgrug yn cystadlu yng Nghwpan Cymru ym 1878-79 gan golli 8-1 yn erbyn Llangollen yn y rownd 1af[2] ond llwyddodd y clwb i gyrraedd y rownd gynderfynol ym 1887-88[3] ac ym 1890-91[4].

Ym 1881-82, roedd tîm Amaturiaid Y Fflint oedd wedi eu leoli yn nhref Yr Wyddgrug hefyd yn cystadlu yng Nghwpan Cymru[5] ac ym 1894-95 cafwyd dau dîm arall o'r dref yn y Gwpan gyda C.P.D. Sêr Alyn Yr Wyddgurg (Saesneg: Mold Alyn Stars) yn colli 0-21 yn erbyn Yr Amwythig[6] a chyda C.P.D. Sêr Coch Yr Wyddgrug (Saesneg: Mold Red Stars) yn colli 3-5 yn erbyn Y Derwyddon[7].

Wrth sefydlu Prif Gynghrair Cymru (Saesneg: Welsh Senior League) ym 1890-91, cafodd C.P.D. Yr Wyddgrug wahoddiad i ymuno[8], ac er iddynt dderbyn y gwahoddiad, nid oedd y clwb yn un o'r chwe clwb ddechreuodd y tymor[9].

Llwyddodd C.P.D. Yr Wyddgrug i gyrraedd rownd gyntaf Cwpan FA Lloegr ym 1925-26 cyn colli yn erbyn Southport[10].

C.P.D. Alexandra Yr Wyddgrug[golygu | golygu cod y dudalen]

Ffurfiwyd C.P.D. Alexandra Yr Wyddgrug yn 1929[1] gan chwarae mewn cynghreiriau lleol cyn ymuno â Chynghrair Gorllewin Sir Gaer[1] ar ddechrau tymor 1937-38. Ond wedi'r Ail Ryfel Byd, dychwelodd Alex i chwarae yng Nghymru yng Nghynghrair Cymru (Ardal Wrecsam)[11] tan cael gwahoddiad i fod yn un o glybiau gwreiddiol Y Gynghrair Undebol ym 1990[12].

Yn 1992 cafodd y clwb wahoddiad i fod yn un o'r 20 clwb yn nhymor cyntaf Uwch Gynghrair Cymru gan orffen y tymor cyntaf yn yr 13eg safle[13] cyn colli eu lle ym mhrif adran Cymru ar ddiwedd tymor 1994-95[14].

Cyfeiriadau[golygu | golygu cod y dudalen]

Cynghrair Undebol, 2018-19

Airbus UK | Bangor | Bwcle | Cegidfa | Conwy | Dinbych | Gresffordd | Hotspur Caergybi |
Llanrhaeadr | Penrhyncoch | Porthmadog | Prestatyn | Rhuthun | Treffynnon Y Fflint | Y Rhyl