Amgueddfa Gelf Philadelphia

Oddi ar Wicipedia
Jump to navigation Jump to search
Amgueddfa Gelf Philadelphia
Philadelphia Museum of Art, main building.jpg
Math oriel gelf Edit this on Wikidata
Agoriad swyddogol 1876 Edit this on Wikidata
Sefydlwyd
  • 1876 Edit this on Wikidata
Daearyddiaeth
Lleoliad Philadelphia Edit this on Wikidata
Sir Philadelphia Edit this on Wikidata
Gwlad Baner UDA UDA
Cyfesurynnau 39.966°N 75.181°W Edit this on Wikidata
Arddull pensaernïol pensaernïaeth yr Adfywiad Groegaidd Edit this on Wikidata
Sefydlwydwyd gan Anna H. Wilstach Edit this on Wikidata
Philadelphia07LB.jpg

Mae Amgueddfa Gelf Philadelphia, a gaiff ei adnabod yn lleol fel "Yr Amgueddfa Gelf", yn un o amgueddfeydd celf mwyaf yr Unol Daleithiau. Fe'i lleolir ar ochr orllewinol y Benjamin Franklin Parkway ym Mharc Fairmount Philadelphia. Sefydlwyd yr amgueddfa ym 1876 mewn cydweithrediad a'r Dangosiad Canmlwyddiant yn yr un flwyddyn. Yn wreiddiol, cafodd ei alw'n Amgueddfa ac Ysgol Pennsylvania o Gelf Diwydiannol a chafodd ei ysbrydoli gan Amgueddfa De Kensington yn Llundain, (bellach Amgueddfa Victoria ac Albert). Agorodd yr amgueddfa i'r cyhoedd ar y 10fed o Fai, 1877. Cwblhawyd prif adeilad presennol yr amgueddfa ym 1928.

Mae casgliad yr amgueddfa yn cynnwys gwaith Marcel Duchamp, Auguste Rodin, Paul Cézanne, Vincent van Gogh, Édouard Manet, Claude Monet, Pierre-Auguste Renoir, Camille Pissarro, ac Edgar Degas. Mae hefyd gwaith artistiaid o’r Unol Daleithiau, megis gwaith y Crynwyr ac Almaemwyr Pennsylvania.[1]

Cyswllt yr Amgueddfa â Philadelphia[golygu | golygu cod y dudalen]

Yn ogystal â phensaernïaeth a'r casgliadau, mae Amgueddfa Gelf Philadelphia yn enwog am yr olygfa enwog yn y ffilm Rocky, a'r ffilmiau olynnol, II, III, V a Rocky Balboa. Yn aml, gwelir ymwelwyr i'r amgueddfa yn efelychu rhediad enwog Sylvester Stallone i fyny'r grisiau o flaen yr adeilad.

Rhoddwyd cerflun efydd o Rocky ar ben y grisiau am gyfnod byr tra'n ffilmio Rocky III. Yn ddiweddarach, fe'i symudwyd i'r Wachovia Spectrum yn sgîl yn dadlau brwd a welwyd ynglyn ag ystyr "celf". Dychwelyd y cerflun i'r grisiau ar gyfer ffilmio Rocky V ac ymddengys yno yn y ffilmiau Philadelphia a Mannequin. Serch hynny, symudwyd y cerflun i waelod y grisiau ar yr 8fed o Fedi, 2006.

Oherwydd lleoliad yr amgueddfa, ar waelod y Ben Franklin Parkway, cynhelir nifer o gyngherddau a gorymdeithiau yno. Ar yr 2il o Orffennaf, 2005, defnyddiwyd grisiau'r amgueddfa i gynnal cyngerdd Live 8 Philadelphia, lle perfformiodd artistiaid megis Dave Matthews Band, Linkin Park a Maroon 5. Caeodd yr amgueddfa ar gyfer Live 8 ond ail-agorodd y diwrnod canlynol.

Daliadau Adnabyddus[golygu | golygu cod y dudalen]

Dolenni allanol[golygu | golygu cod y dudalen]

  1. Gwefan yr amgueddfa