William Milton Aubrey (Anarawd)
| William Milton Aubrey | |
|---|---|
| Ffugenw | Anarawd  |
| Ganwyd | 1861 Llannerch-y-medd |
| Bu farw | 1889 Llannerch-y-medd |
| Dinasyddiaeth |  Cymru |
| Galwedigaeth | bardd |
Bardd Cymraeg a hynafiaethydd o Gymro oedd William Milton Aubrey (1861 – 26 Chwefror 1889), a adnabyddid wrth ei enw barddol Anarawd. Roedd yn frodor o Sir Fôn.[1]
Bywgraffiad[golygu | golygu cod]
Ganed William ym mhlwyf Llannerch-y-medd, Sir Fôn yn 1861. Roedd ei fam yn ferch i'r bardd Gwalchmai a'i dad oedd y gweinidog 'Meilir Môn'. Cafodd addysg dda gan ei rieni a dywedir ei fod yn medru darllen Cymraeg a Saesneg pan yn bum mlwydd oed.[1]
Bu am bedair blynedd yn is-athro yn Ysgol Frutanaidd Llannerchymedd. Dyma'r cyfnod pan ddechreuodd bregethu gyda'r Annibynwyr lleol. Ar ôl cyfnod o addysg dan diwtor lleol pasiodd arholiad i fynd i Goleg Spring Hill, Birmingham. Symudodd oddi yno i Goleg y Bala. Boddodd yn Llyn Tegid ar y 26ain o Chwefror, 1889. Cafodd ei gladdu ym mynwent Llannerch-y-medd.[1]
Bardd a hynafiaethydd[golygu | golygu cod]
Er iddo farw yn ifanc, cafodd gryn llwyddiant fel bardd eisteddfodol a disgwylid llawer mwy yn y dyfodol gan ei gyfoeswyr. Enillodd wobr am ei awdl-bryddest "Y Wasg" yn Eisteddfod Chicago, 1880. Ef oedd awdur geiriau y gân boblogaidd (yn ei dydd) "Llwybr y Wyddfa".[1]
Fel hynafiaethydd ymddiddorai'n bennaf yn hanes Môn a Gwynedd. Cyfrannodd draethodau i'r cylchgronau Cymraeg.[1]