Walonia

Oddi ar Wicipedia
Neidio i: llywio, chwilio
Lleoliad Walonia (gwyrdd tywyll) o fewn Gwlad Belg (golau gwyrdd) ac Ewrop

]

Rhanbarth sy'n ffurfio rhan ddeheuol Gwlad Belg yw Walonia (Ffrangeg: Wallonie, Iseldireg: Wallonië). Dyma'r rhan Ffrangeg ei iaith o Wlad Belg, er bod tua 70,000 o'r boblogaeth yn siarad Almaeneg fel mamiaith yn y dwyrain.

Y brifddinas yw Namur, er mai Charleroi yw'r ddinas fwyaf a Liège yr ardal ddinesig fwyaf. Gydag arwynebedd o 16.844 km² mae Walonia'n ffurfio 55% o Wlad Belg, ond yn cynnwys dim ond 33% o'r boblogaeth, 3,456,775 yn 2008. Daw'r enw o'r un gwreiddyn Almaenaidd a Wales am Gymru, o *Weleas, yn golygu tramorwyr Lladin ei hiaith neu Rufeiniedig. Rhennir Walonia yn bum talaith:

Yn ystod y 19eg ganrif a dechrau'r 20fed ganrif, roedd Walonia yn ardal ddiwydiannol bwysig, ac yn gyfoethocach na Fflandrys, y rhan Iseldireg ei iaith o Wlad Belg. Gyda dirywiad y diwydiannau trwm, mae yn awr yn llai cyfoethog na Fflandrys. Mae gan Walonia ei hanthem genedlaethol eu hun, Le Chant des Wallons.

Baner Walonia