Ryan Davies

Canwr a digrifwr Cymreig oedd Ryan Davies (22 Ionawr 1937 - 22 Ebrill 1977), dyn a'i wreiddiau yng Nglanaman, Sir Gaerfyrddin. Gweithiai yn y Gymraeg a'r Saesneg.

Cafodd ei addysg uwch yn y Coleg Normal, Bangor, ac Ysgol Ganolog Drama Llundain. Ar ôl bod yn athro yn Llundain am flynyddoedd, lle daeth i adnabod y dramodydd Gwenlyn Parry, daeth yn ôl i Gymru i weithio yn llawn amser fel canwr a chomedïwr, gyda chontract â BBC Cymru. Gweithiai ar y cyd â Ronnie Williams, ei bartner yn y sioe boblogaidd Ryan a Ronnie, ac yn y gyfres Fo a Fe yn rhan yr Hwntwr 'Twm Twm'. Roedd yn un o berfformwyr mwyaf poblogaidd ei ddydd, a bu ei farwolaeth sydyn yn ddeugain oed, ar ei wyliau yn Buffalo, Efrog Newydd, yn ysgytwad fawr yng Nghymru.

Gwaith

Caneuon a gyfansoddodd

• Ceiliog y Gwynt
• Nadolig Pwy a Ŵyr
• Blodwen a Mary

Teledu

• Fo a Fe
• Ryan a Ronnie

Ffilmiau

• Under Milk Wood

Llyfryddiaeth

Cyhoeddwyd detholiad o ganeuon Ryan Davies yn 1983.

• Rhydderch Jones, Cofiant Ryan (1970)
• Rhydderch Jones, Ryan (1980)

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.