NASA

Oddi ar Wicipedia
Neidio i: llywio, chwilio
Arwyddlun NASA

Cafodd NASA (sef: National Aeronautics and Space Administration) ei sefydlu ym 1958 er mwyn creu corff i reoli rhaglen gofod yr Unol Daleithiau. Lleolwyd ei bencadlys yn Houston, Texas, er y ffaith bod y rhan fwyaf o'i rocedi yn cael eu lawnsio o Cape Canaveral yn Florida a lleoliadau eraill yn UDA.

Gofodwyr yn y gofod[golygu]

Cafodd y gofodwyr Americanaidd cyntaf eu lansio gan rocedi Mercury, Atlas, Titan a Saturn yn y 1960au; daeth yr adran hon o'r 'Space Race' i ben ym 1969, pan lwyddodd Neil Armstrong a Buzz Aldrin i lanio ar y lleuad yn y modiwl lloerol, Yr Eryr. Gwelwyd hyn fel llwyddiant propaganda mawr gan yr Unol Daleithiau yn ystod y Rhyfel Oer.

Ym 1973, lansiodd NASA orsaf ofod gyntaf America, sef Skylab. Ymwelodd criw o dri â'r orsaf rhwng 1973 a 1974, gan dreulio eu hamser yn defnyddio telesgop i dynnu lluniau o'r ddaear, a gwneud arbrofion.

Ym 1981, cafodd y wennol ofod gyntaf, Columbia, ei lansio. Adeiladwyd 4 o wenoliaid i gychwyn, ond ar ôl colled Challenger mewn damwain ym 1986, penderfynwyd adeiladu un arall, Endeavour. Cafodd Columbia ei ddinistrio yn 2003.

Chwiliedyddion gofod[golygu]

Mae NASA wedi bod yn gyfrifol hefyd am anfon chwiliedyddion gofod i fforio sawl planed yng Nghysawd yr Haul, gan gynnwys Viking 1 a 2 (1976-9; Mawrth); Pioneer 10 a Pioneer 11 (1972-; Iau a Sadwrn); Galileo (1989-2003; Iau); ac eraill.

Cyfeiriadau[golygu]

  • The Cambridge Encyclopedia of Space: Missions, Applications and Exploration (Fernand Verger ac eraill, Caergrawnt, 2003).
Comin Wikimedia
Mae gan Gomin Wikimedia gyfryngau sy'n berthnasol i: