Martin Luther King
| Martin Luther King | |
|---|---|
 |
|
| Ganwyd | 15 Ionawr, 1929 Atlanta, Georgia,  Unol Daleithiau |
| Bu farw | 4 Ebrill, 1968 Memphis, Tennessee, Unol Daleithiau |
| Galwedigaeth | Ymgyrchydd, gweinidog |
Arweinydd anufudd-dod sifil di-drais yn yr Unol Daleithiau (UDA), a gweinidog gyda'r Bedyddwyr oedd y Parch Martin Luther King, Iau (15 Ionawr 1929 - 4 Ebrill 1968). Mae'n un o'r arweinwyr mwyaf arwyddocaol yn hanes yr Unol Daleithiau. Ystyrir ef yn arwr, yn heddychwr ac yn ferthyr gan filiynau ar draws y byd.
Ganed King yn Atlanta, Georgia yn 1929. Fe briododd Coretta Scott ar Mehefin y 18fed, 1953. Cymerodd Martin Luther ran ym moycot y bysiau, ble gwrthododd llawer o bobl ddu gyfnewid eu seddau i bobl gwyn. Enillodd Wobr Heddwch Nobel yn 1964 - yr ieuengaf erioed i wneud hynny.
Llofruddiwyd ef yn y Lorraine Motel yn Memphis, Tennessee ar 4 Ebrill 1968; roedd yn sefyll ar y balconi pan cafodd ei saethu.
Canodd Mahalia Jackson yn ei angladd.
Mae Gen i Freuddwyd [golygu]
"Mae Gen i Freuddwyd" yw araith cyhoeddus 17-munud gan King, anerchwyd ar 28 Awst 1963. Yn yr araith mae'n mynnu cydraddoldeb hiliol a diwedd i wahaniaethu yn yr Unol Daleithiau. Roedd yr araith wedi'i gyhoeddu o grisiau'r Cofeb Lincoln yn ystod yr Ymdaith ar Washington dros Swyddi a Rhyddid ac yn cael ei ystyried fel moment pwysig yn hanes y Mudiad Hawliau Sifil Americanaidd. Roedd dros 200,000 o gefnogwyr hawliau sifil yn y cynulleidfa[1].
Mae'r araith yn cyfeirio at Gyfansoddiad yr Unol Daleithiau: "Mae gen i freuddwyd y gwelaf y genedl hon yn codi ryw ddydd i fyw yr hyn a ddywed un o erthyglau ei chyfansoddiad: 'Daliwn fod y gwirionedd hwn yn eglur, fod pob dyn yn gydradd'."
Hefyd mewn darn adnabyddus o'r araith mae King yn cyfeirio at ei blant: "Mae gen i freuddwyd y bydd fy mhedwar plentyn yn medru byw, ryw ddydd, fel rhan o genedl lle bydd cymeriad yn bwysicach na lliw croen."[2].
Llyfryddiaeth [golygu]
- Davies, T.J. Martin Luther King (Abertawe: Gwasg John Penry, 1969)
Cyfeiriadau [golygu]
