Dyl Mei
Ganwyd Dylan Meirion Roberts, neu Dyl Mei fel gelwir, ym Mhenrhyndeudraeth yn 1981, cyn symyd i Borthmadog ac yna Garndolbenmaen, lle mae'n rheolwr ar stiwdio recordio Blaen y Cae ac yn gweithio fel cynhyrchwr/peiriannwr cerddoriaeth. Fo sy'n gyfrifol am label Slacyr. Addysgwyd yn Ysgol Eifionydd, Porthmadog. Ei dad yw Huw Meirion ('Monti') a'i fam yw Louie Roberts, Rheolwr Cyffredinol Siop Lyfrau ym Mhortmeirion. Mae ganddo ddau frawd, Osian a 'Monti Bach'; un chwaer, Nia; a chath o'r enw Peter Glyn.
Mae wedi gweithio gydag amrywiaeth o gerddorion, gan gynnwys Genod Droog, Mc Mabon, Pep Le Pew, Vates!, Kentucky AFC, Tecwyn Ifan, Texas Radio Band, Spoonidols, The Locusts, Gwyneth Glyn, Plant Duw, Pwsi Meri Mew, MC Saizmundo, Y Llongau, Y Lladron, Gwallt Mawr Penri a Cowbois Rhos Botwnnog.
Mae hefyd yn athro technoleg cerddoriaeth yn ei amser sbâr.
[golygu] Gwobrau ac Anrhydeddau
- Band Byw Gorau - fel rhan o Pep Le Pew - Gwobrau Roc a Phop BBC Radio Cymru 2003
- Band y Flwyddyn - fel rhan o Pep Le Pew - Gwobrau Roc a Phop BBC Radio Cymru 2003
- Cynhyrchydd y Flwyddyn - Gwobrau Roc a Phop BBC Radio Cymru 2003
- Cynhyrchydd y Flwyddyn - Gwobrau Roc a Phop BBC Radio Cymru 2004
- Band Byw Gorau - fel rhan o Pep Le Pew - Gwobrau Roc a Phop BBC Radio Cymru 2005
- Cynhyrchydd y Flwyddyn - Gwobrau Roc a Phop BBC Radio Cymru 2005
- Cynhyrchydd y Flwyddyn - Gwobrau Roc a Phop BBC Radio Cymru 2006
- Band grandawyr y flwyddyn - fel rhan o Genod Droog - Gwobrau Roc a Phop BBC Radio Cymru 2007
- Band Byw y flwyddyn fel rhan o Genod Droog - Gwobrau Roc a Phop BBC Radio Cymru 2007
