BBC Radio Cymru

Oddi ar Wicipedia
Neidio i: llywio, chwilio
BBC Radio Cymru
BBCRadioCymruWales.png
Ardal Ddarlledu Cymru
Dyddiad Cychwyn 3 Ionawr 1977
Tonfedd FM: 92.4-96.8, 103.5-104.9,
DAB,
Freeview: 720 (yng Nghymru),
Sky Digital: 0154 (dros Prydain a Iwerddon),
Virgin Media: 936,
Ar-lein
Pencadlys Aberystwyth, Bangor, Caerdydd
Perchennog BBC
Gwefan www.bbc.co.uk/radiocymru

Gorsaf radio BBC Cymru yw BBC Radio Cymru, sy'n darlledu drwy gyfrwng y Gymraeg. Mae wedi bod yn darlledu rhaglenni radio yn Gymraeg ledled Cymru ers iddi ddarlledu gyntaf ar 3 Ionawr 1977. Pan sefydlwyd, hon oedd yr unig orsaf radio i ddarlledu ar donfedd FM yn unig. Erbyn hyn, mae hefyd yn darlledu ar radio digidol DAB yn ardaloedd Abertawe, Caerdydd a Chasnewydd, ar Freeview yng Nghymru, ar gebl digidol ac ar loeren drwy Wledydd Prydain cyfan, ers 2005; fe'i darlledir hefyd dros y Rhyngrwyd i bedwar ban byd. Mae'r rhaglenni yn cael eu cynhyrchu yn eu stiwdios yn Aberystwyth, Bangor, Caerdydd a Chaerfyrddin.

Rhaglen gyntaf Radio Cymru yn Ionawr 1977 oedd rhaglen brecwast Helo Bobol!, a oedd yn cael ei gyflwyno gan Hywel Gwynfryn gyda bwletinau newyddion gan Gwyn Llewelyn. Llais cyntaf yr orsaf oedd llais y cyhoeddwr cysondeb, Robin Jones.

Yn ystod y dydd, mae'n darparu cymysgedd o newyddion (rhaglenni Post Cyntaf, Taro'r Post a Post Prynhawn ynghyd a bwletinau bob awr), sgwrs a cherddoriaeth (rhaglenni dyddiol fel Jonsi, Nia, Dafydd Du ac Eleri Siôn a Geraint Lloyd). Gyda'r nos darlledir gwasanaeth C2 sy'n cynnwys cerddoriaeth gyfoes yn bennaf, wedi'i anelu at bobl ifanc.

Golygydd presennol Radio Cymru yw Sian Gwynedd.

Dolenni allanol[golygu]

Radio icon.png Eginyn erthygl sydd uchod am radio. Gallwch helpu Wicipedia drwy ychwanegu ato
Flag of Wales 2.svg Eginyn erthygl sydd uchod am Gymru. Gallwch helpu Wicipedia drwy ychwanegu ato