Deuddeg Olympiad
Oddi ar Wicipedia
Y Deuddeg Olympiad neu'r Dodekatheon (Groeg: Δωδεκάθεον < δωδεκα, dodeka, "deuddeg" + θεον, theon, "o'r duwiau"), yw'r deuddeg prif dduw ym mytholeg Groeg, oedd yn trigo ar Fynydd Olympus.
| Enw Groegaidd | Enw Rhufeinig | Delwedd | Yn gyfrifol am ... | Cenhedlaeth |
|---|---|---|---|---|
| Zeus | Iau (Iuppiter) |  |
Brenin y duwiau, duw'r awyr a tharanau. | Cyntaf |
| Hera | Juno |  |
Brenhines y duwiau, duwies merched a phriodas. | Cyntaf |
| Poseidon | Neifion (Neptunus) |  |
Duw'r môr, daeargrynfeydd a cheffylau. | Cyntaf |
| Demeter | Ceres |  |
Duwies ffrwythlondeb, amaeth, natur a'r tymhorau. | Cyntaf |
| Hestia | Vesta |  |
Duwies yr aelwyd a'r cartref. | Cyntaf |
| Aphrodite | Gwener (Venus) |  |
Duwies cariad, harddwch, chwant a ffrwythlondeb. | Ail |
| Apollo | Apollo |  |
Duw'r haul, iachau, cerddoriaeth, barddoniaeth a phroffwydoliaeth. | Ail |
| Ares | Mawrth (Mars) |  |
Duw rhyfel. | Ail |
| Artemis | Diana |  |
Duwies hela, gwyryfon a'r lleuad. | Ail |
| Athena | Minerva |  |
Duwies doethineb, crefftau a strategaeth mewn rhyfel. | Ail |
| Hephaestus | Fwlcan (Vulcanus) |  |
Gôf y duwiau; duw tân a'r efail. | Ail |
| Hermes | Mercher (Mercurius) |  |
Negesydd y duwiau, duw masnach, lladron a chyflymdra. | Ail |
