Cynllwyn i fomio awyrennau trawsiwerydd (2006)

Cynllwyn i fomio awyrennau trawsiwerydd
Enghraifft o'r canlynol	ymgais ar ymosodiad
Dyddiad	9 Awst 2006
Gwladwriaeth	y Deyrnas Unedig, Unol Daleithiau America, Canada
	Ffeiliau perthnasol ar Gomin Wicimedia

Yn ôl awdurdodau Prydain a'r Unol Daleithiau, cynllwyn terfysgol i danio ffrwydron hylifol wedi'u cludo mewn bagiau llaw ar nifer o awyrennau yn teithio o Lundain i ddinasoedd yn yr Unol Daleithiau oedd y cynllwyn awyrennau trawsiwerydd 2006. Cafodd y digwyddiad ei ddisgrifio gan yr Ysgrifennydd Cartref, John Reid, fel cynllwyn "arwyddocaol iawn" gyda'r bwriad o ladd nifer fawr o bobl.^[1] Bu mesurau diogelwch llym iawn ym meysydd awyr Prydain,^[2] yr Unol Daleithiau, a nifer o wledydd eraill yn dilyn datgeliad y cynllwyn.

Manylion y cynllwyn

Ffrwydron hylifol

Yn ôl nifer o ffynonellau newyddion, bu'r terfysgwyr yn cynllunio i gludo ffrwydron hylifol ar yr awyrennau mewn poteli Lucozade. Cynlluniodd y cynllwynwyr i adael top y botel wedi'i selio a llawn y ddiod wreiddiol, ond i roi gwaelod ffug yn cynnwys ffrwydryn hylifol neu gel wedi'i lliwio'n goch i gydweddu â'r ddiod chwaraeon yn nhop y cynhwysydd.^[3]

Ymateb diogelwch

Diogelwch hedfan

Y Deyrnas Unedig

Yn dilyn datgeliad y cynllwyn honedig, cafodd mesurau diogelwch llym eu gorfodi ar gyfer teithwyr oedd yn hedfan o Brydain, neu yn newid awyren ym Mhrydain. Ni chaniaetheir bagiau llaw (rhaid cael eu rhoi yng nghrombil yr awyren), a ni chaniaeteir rhoi eiddo mewn pocedi dillad. Bu rhaid i deithwyr cario dim ond eitemau hanfodol (megis arian, pasportau, sbectolau, meddyginiaethau) mewn waledi tryloyw. Cafodd pob teithiwr eu harchwilio gyda llaw, a sgriniodd â phelydr-X pob esgid a waled dryloyw.^[4]

Yr Unol Daleithiau

Yn dilyn yr ymgyrch i atal y cynllwyn, gwaharddodd Diogelwch Mamwlad yr Unol Daleithiau pob hylif a gel, ac eithrio fformiwla llaeth babanod a meddyginiaethau presgripsiwn yn enw daliwr y tocyn, mewn bagiau llaw ar bob siwrnai.^[5] Cododd y Lefel DHS yn yr Unol Daleithiau i "Uchel Iawn" (coch) ar gyfer pob siwrnai awyren o'r DU. Cododd y lefel ar gyfer pob daith fewnwladol neu ryngwladol (ar wahân i Brydain) yn yr Unol Daleithiau i "Uchel" (oren).

Diogelwch cyffredinol

Fel yn dilyn ymosodiadau a chynllwynion eraill yn y Rhyfel yn erbyn Terfysgaeth, bu cynnydd mewn diogelwch cyffredinol. Ddydd Sul, 13 Awst, 2006, bu mwy o heddlu yn patrolio Caerdydd cyn gêm pêl-droedd rhwng Lerpwl a Chelsea yn Stadiwm y Mileniwm. Dywedodd y Brif Arolygydd Bob Evans:

Nid oes bygythiad terfysgol penodol i dde Cymru, Caerdydd, neu Stadiwm y Mileniwm - ond mae'n rhaid i ni fod yn ofalus .^[6]

Cyfeiriadau

↑ "Terfysg: Effaith ar faes awyr", BBC, 10 Awst, 2006.
↑ "Rhybudd: Mesurau llym mewn grym", BBC, 10 Awst, 2006.
↑ (Saesneg) Richard Esposito. Explosive Gel Was to Be Concealed in Sports Drink. ABC News. Adalwyd ar 10 Awst, 2006.
↑ "Cyhoeddi cyngor i deithwyr", BBC, 10 Awst, 2006.
↑ (Saesneg) CNN News. 'Police: Plot to blow up aircraft foiled. CNN News. Adalwyd ar 10 Awst, 2006.
↑ "Diogelwch ychwanegol cyn gêm", BBC, 13 Awst, 2006.

Dolenni allanol

Dogfennau llywodraethol swyddogol

Y Deyrnas Unedig

(Saesneg) Swyddfa Dramor a'r Gymanwlad — Statements on terrorism arrests and airline security (10 Awst 2006)

[1] "Terfysg: Effaith ar faes awyr", BBC, 10 Awst, 2006.

[2] "Rhybudd: Mesurau llym mewn grym", BBC, 10 Awst, 2006.

[3] (Saesneg) Richard Esposito. Explosive Gel Was to Be Concealed in Sports Drink. ABC News. Adalwyd ar 10 Awst, 2006.

[4] "Cyhoeddi cyngor i deithwyr", BBC, 10 Awst, 2006.

[5] (Saesneg) CNN News. 'Police: Plot to blow up aircraft foiled. CNN News. Adalwyd ar 10 Awst, 2006.

[6] "Diogelwch ychwanegol cyn gêm", BBC, 13 Awst, 2006.

[1]

[2]

[3]

[4]

[5]

[6]