Awyren

Oddi ar Wicipedia

Awyren yw unrhyw gerbyd sy'n medru hedfan trwy'r awyr, gan ddefnyddio'r awyr i'w cynnal eu hunain. Nid yw roced, ar y llaw arall, yn cael ei chynnal gan yr awyr o'i chwmpas.

Fel rheol, defnyddir y gair "awyren" am beiriant sy'n drymach na'r aer o'i gwmpas ac sy'n defnyddio pwer. Mae balŵn yn ysgafnach na'r aer o'i chwmpas, ac felly nid yw'n dibynnu ar bwer i'w chadw yn yr awyr. Rhaid i awyren sy'n drymach na'r aer o'i chwmpas fedru gwthio'r aer tuag i lawr, gan gynhyrchu adwaith sy'n gwthio'r awyren ei hun tuag i fyny.

Y dulliau arferol o wthio'r aer tuag i lawr yw un ai adennydd sefydlog, sy'n cadw'r awyren yn yr awyr oherwydd ei bod yn symud ymlaen, neu "adennydd" sy'n troi yn eu hunfan, megis ar hofrennydd.