Ysgol Gymraeg yr Urdd

Oddi ar Wicipedia
Jump to navigation Jump to search

Ysgol gynradd Gymraeg yn Aberystwyth ydy Ysgol Gymraeg yr Urdd, neu Ysgol Gymraeg Aberystwyth fel adnabyddir hi heddiw.

Hanes[golygu | golygu cod y dudalen]

Agorwyd yr ysgol ar 25 Medi 1939 dan nawdd Urdd Gobaith Cymru ac fe'i sefydlwyd gan Syr Ifan ab Owen Edwards fel ysgol breifat, a chodwyd tâl o 4 gini y tymor.[1] Y brifathrawes oedd Norah Isaac, a gyflogwyd am £160 y flwyddyn. Saith disgybl oedd yn ei mynychu i ddechrau: Owen Edwards, Non Gwynn, James Jenkin, Daniel G. Jones, John Wyn Meredith, John Parry a Ruth Thomas. Tyfodd nifer y plant yn gyson: 17 yn 1940, 32 yn 1942, a 56 yn 1944.

Bu ei sefydlu yn drobwynt yn hanes addysg yng Nghymru gan iddi arloesi'r maes a bod y gyntaf o lawer o ysgolion Cymraeg a sefydlwyd wedi hynny, y rhan fwyaf ohonynt gan Awdurdodau Addysg lleol.[2]

Agorwyd yr ysgol gyntaf ar Ffordd Llanbadarn, gan symud i safle yn Lluest ym 1946. Symudodd unwaith eto i safle Ysgol Ffordd Alecsandra ym 1952. Ym 1989 symudodd i'w safle presennol ym Mhlascrug.[1]

Presennol[golygu | golygu cod y dudalen]

Dechreuodd yr ysgol gyda dim ond 7 o ddisgyblion, ond mae hyn wedi tyfu i 350 heddiw, ehangodd yr ysgol lawer yn ystod yr 1980au a'r 1990au pan ddechreuodd rhieni weld gwerth addysg ddwyieithog.[2] Er y gall 95% o ddisgyblion yr ysgol siarad y Gymraeg i safon iaith gyntaf, dim ond 65% a ddaw o gartrefi lle mae'r Gymraeg yn brif iaith.[3] Erbyn heddiw mae gan yr ysgol 18 o athrawon, 20 cynorthwyydd a 15 o staff ategol.[2] Noddir yr ysgol gan Oriel y Bont a HSBC.[4]

Y prifathro ar hyn o bryd yw Mr. Clive Williams.

Cyn-athrawon o nod[golygu | golygu cod y dudalen]

Cyn-ddisgyblion o nod[golygu | golygu cod y dudalen]

Cysylltiadau allanol[golygu | golygu cod y dudalen]

Cyfeiriadau[golygu | golygu cod y dudalen]

  1. 1.0 1.1  Birthday bash for first Welsh school. Cambrian News (1 Hydref 2009).
  2. 2.0 2.1 2.2  Croeso. Ysgol Gymraeg Aberystwyth.
  3.  School Inspection 10-12 February 2003. Estyn.
  4.  Noddwyr yr ysgol. Ysgol Gymraeg Aberystwyth.
Apple-book.svg Eginyn erthygl sydd uchod am ysgol yng Nghymru. Gallwch helpu Wicipedia drwy ychwanegu ato.