Y Ganolfan Ddarlledu, Caerdydd

Oddi ar Wicipedia
Jump to navigation Jump to search
Y Ganolfan Ddarlledu

Y Ganolfan Ddarlledu yw pencadlys BBC Cymru a leolir yn Llandaf, gogledd Caerdydd. Mae'n gartref i wasanaethau radio, teledu ac arlein BBC Cymru. Fe'i adeiladwyd yn bwrpasol ar gyfer y BBC ac agorodd yn 1966, pan roedd yn cynnwys tri bloc gyda stiwdios, swyddfeydd a chyfleusterau technegol. Bydd BBC Cymru yn symud i bencadlys newydd yn nghanol Caerdydd yn ystod 2019. Gwerthwyd y tîr i gwmni Taylor Wimpey a bydd y cwmni yn dymchwel y ganolfan ac adeiladu 400 o dai ar y safle.

Hanes[golygu | golygu cod y dudalen]

Ty Oldfield (chwith) gyda rhan o'r Ganofan Ddarlledu yn y cefndir

Cynlluniwyd yr adeiliad gan y pensaer Cymreig Dale Owen (1924-97).[1][2] Fe'i agorwyd yn 1966 ac mae wedi bod yn bencadlys ar gyfer BBC Cymru ers hynny. Mae yn gartref i stiwdios, swyddfeydd a chyfleusterau technegol. Lleolir yr adeilad yn ardal Llandaf, gogledd Caerdydd ger yr Afon Taf. Mae'n agos at orsaf reilffordd Danescourt a mae sawl gwasanaeth Bws Caerdydd yn rhedeg heibio. Symudodd Cerddorfa Genedlaethol Gymreig y BBC (BBC NOW) a Chorws Cenedlaethol Cymru'r BBC allan o Stiwdio 1 yn y Ganolfan Ddarlledu i adeilad newydd, Neuadd Hoddinott y BBC yng Nghanolfan Mileniwm Cymru yn 2009. Symudodd cyfleusterau stiwdio drama teledu'r BBC allan yn 2011 i adeiladau pwrpasol newydd ym Mhorth y Rhath, Bae Caerdydd.

Ym mis Awst 2013, cyhoeddwyd bod y Ganolfan Ddarlledu a Thŷ Oldfield, ochr draw y ffordd, ar werth, gyda chynlluniau i symud i un pencadlys pwrpasol newydd yng Nghaerdydd erbyn 2018. Dywedodd y BBC fod y "seilwaith sy'n heneiddio yn Llandaf yn amlwg wedi cyrraedd y diwedd ei oes ac mae'n amser i edrych i'r dyfodol". Edrychwyd ar dri safle posib yng Nghaerdydd;

Cadarnhaodd y BBC yn 2015 mai Sgwâr Canolog fyddai lleoliad eu pencadlys newydd.[4]

Rhaglenni[golygu | golygu cod y dudalen]

Roedd y Ganolfan yn gartref i Pobol y Cwm ers iddo gychwyn yn 1974 a ffilmiwyd nifer o gyfresi drama a chomedi yma yn cynnwys The Chatterley Affair, Perthyn, High Hopes, Satellite City a The District Nurse.[angen ffynhonnell]. Mae'r ganolfan yn cynnwys stiwdios ar gyfer rhaglenni newyddion BBC Wales Today a Newyddion. Cynhyrchwyd nifer o raglenni plant Cymraeg yma yn cynnwys Yr Awr Fawr a HAFoc.

Cyhoeddwyd ym mis Mawrth 2009 y byddai'r BBC yn symud ffilmio sioeau megis Casualty a Crimewatch i stiwdios porth y Rhath yng Nghaerdydd.[5]

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. "Obituary: Dale Owen". The Independent. 28 November 1997. Adalwyd 25 September 2017.  Check date values in: |access-date=, |date= (help)
  2. "BBC Wales to move to new Foster-designed Cardiff HQ". Architects' Journal. 10 June 2014. Adalwyd 25 September 2017.  Check date values in: |access-date=, |date= (help)
  3. "BBC Wales to locate its new £170m headquarters at Cardiff's Capital Square scheme". Wales Online. 9 June 2014. Adalwyd 16 November 2015.  Check date values in: |access-date=, |date= (help)
  4. "New headquarters for BBC Cymru Wales expected to be confirmed shortly at heart of Central Square scheme". Wales Online. 30 November 2015. Adalwyd 16 November 2015.  Check date values in: |access-date=, |date= (help)
  5. Douglas, Torin (2008-10-15). "Entertainment | BBC evicts top shows from London". BBC News. Adalwyd 2013-09-17. 

Dolenni allanol[golygu | golygu cod y dudalen]