The Imitation Game

Oddi ar Wicipedia
Neidio i: llywio, chwilio
The Imitation Game
The Imitation Game poster.jpg
Poster y ffilm
Cyfarwyddwr Morten Tyldum
Cynhyrchydd Nora Grossman
Ido Ostrowsky
Teddy Schwarzman
Ysgrifennwr Graham Moore
Serennu Benedict Cumberbatch
Keira Knightley
Matthew Goode
Rory Kinnear
Charles Dance
Mark Strong
Dylunio
Cwmni cynhyrchu Black Bear Pictures
FilmNation Entertainment
Bristol Automotive
Dosbarthydd StudioCanal
The Weinstein Company
Amser rhedeg 114 munud
Gwlad DU, UDA
Iaith Saesneg, Almaeneg
Cyllideb $14 miliwn[1]
Refeniw gros $157.9 miliwn[2]

Ffilm hanesyddol o 2014 ydy The Imitation Game. Fe'i chyfarwyddwyd gan Morten Tyldum, ac ysgrifennwyd y sgript gan Graham Moore yn seiliedig ar y bywgraffiad Alan Turing: The Enigma gan Andrew Hodges. Mae'r ffilm yn serennu Benedict Cumberbatch fel y cêl-ddadansoddwr o Sais Alan Turing, a ddatrysodd y Cod Enigma yn ystod yr Ail Ryfel Byd cyn cael ei erlyn am ei gyfunrywioldeb. Chwaraea Keira Knightley ran cydweithiwr Turing, Joan Clarke.

Prynodd The Weinstein Company y ffilm am $7 miliwn yn Chwefror 2014, y swm uchaf erioed am hawliau dosbarthu ffilm yn yr Unol Daleithiau wrth y Farchnad Ffilm Ewropeaidd. Cafodd ei rhyddhau mewn theatrau yn y Deyrnas Unedig ar 14 Tachwedd ac ar 28 Tachwedd yn yr UDA.

Roedd The Imitation Game yn lwyddiant masnachol ac ymhlith y beirniaid. Erbyn Chwefror 2015, roedd hi wedi gwneud $157 miliwn yn fyd-eang ond gyda chost cynhyrchu o $14 miliwn yn unig. Dyma oedd y ffilm annibynnol i wneud fwyaf o arian yn 2014. Cafodd ei henwebu am wyth o Wobrau'r Academi, yn cynnwys y Ffilm Orau, y Cyfarwyddwyr Gorau (i Tyldum), yr Actor Gorau (Cumberbatch), a'r Actores Gefnogol Orau (Knightley). Derbyniodd naw enwebiad BAFTA hefyd, gan gynnwys y Ffilm Orau a'r Ffilm Brydienig Eithriadol.

Anrhydeddwyd y cast a'r criw gan grwpiau hawliau LHDT am gyflwyno hanes Turing i gynulleidfa ehangach. Fodd bynnag, beirniadodd rhai haneswyr y ffilm am ei darlun anghywir o gymeriad a perthynasau Turing.

Cyfeiriadau[golygu | golygu cod y dudalen]