Tîm rygbi'r undeb cenedlaethol Wcráin

Oddi ar Wicipedia
Jump to navigation Jump to search
Tîm rygbi'r undeb cenedlaethol Wcráin
Lliwiau cartref
Lliwiau oddi cartref

Mae tîm rygbi'r undeb cenedlaethol Wcráin (Wcreineg: Збірна України з регбі ) yn cynrychioli Wcráin yng nghystadlaethau rygbi'r undeb rhyngwladol dynion. Llysenw'r tîm yw Kozaki, sef Cosaciaid. Maent yn un o’r timau haen 3 yn Ewrop sydd ar hyn o bryd yn cystadlu yn ail adran Pencampwriaethau Rhyngwladol Rygbi Ewrop yn Nhlws Rygbi Ewrop, cystadleuaeth sydd ychydig yn is na Phencampwriaeth Rygbi Ewrop lle mae’r 6 gwlad orau yn Ewrop (heblaw am y timau yn y Chwe Gwlad) yn cystadlu. Nid ydynt wedi cymryd rhan mewn unrhyw Gwpan Rygbi'r Byd eto.

Maent yn lliwiau yn lliwiau baner Wcráin, sef, melyn a glas.

Hanes[golygu | golygu cod y dudalen]

Tîm rygbi saith bob ochr Wcráin (melyn a glas) yn erbyn Gwlad Belg, 2008

Chwaraeodd Wcráin eu gêm ryngwladol gyntaf ym 1991 yn erbyn Georgia ar ôl diddymu’r Undeb Sofietaidd, gan golli’r gêm agos 15-19. Chwaraeodd y ddwy wlad eto dridiau’n ddiweddarach, lle enillodd Georgia eto gyda’r sgôr o 6-0. Y flwyddyn ganlynol cyfarfu Wcráin â Georgia unwaith eto ar gyfer cyfres o ddwy gêm, gan golli'r ddwy gêm. Yn eu gêm gyntaf yn 1993 trechasant Hwngari 41-3 am eu buddugoliaeth gyntaf erioed ers eu hannibyniaeth. Dilynwyd hyn gan dair buddugoliaeth arall yn olynol, yn erbyn Croatia, Slofenia ac Awstria. Fodd bynnag, byddai'r rhediad hwn yn dod i ben ym 1994 gyda cholled i Ddenmarc.

Ym 1996 trechodd Wcráin Latfia 19-3; byddai'r gêm yn ddechrau rhediad ennill naw gêm) sef yr hiraf hyd yma. Parhaodd y fuddugoliaethau tan 1998, lle collon nhw i’r Iseldiroedd 13-35. Yn hwyr yn y 1990au, gwelwyd canlyniadau cymysg yn yr Wcrain gan drechu timau fel Gwlad Pwyl a’r Gwerinieth Tsiec, ond collon nhw gemau i rai fel eu cymdogion Rwsia, Georgia a Rwmania.

Chwaraeodd Wcráin yn adran gyntaf Cwpan y Cenhedloedd Ewropeaidd 2005-06, y twrnamaint lle mae'r timau gorau yn Ewrop y tu allan i'r Chwe Gwlad a'r twrnamaint a oedd hefyd yn gwasanaethu fel rhagbrofol ar gyfer Cwpan Rygbi'r Byd 2007 yn Ffrainc. Collodd yr Wcráin bob un o’u deg gêm a chawsant eu hisraddio i Adran 2A tra o fewn y gemau rhagbrofol, aeth y tri thîm isaf ymlaen i Rownd 4 o gemau rhagbrofol Cwpan y Byd Ewropeaidd, felly byddai’r Wcráin yn canfod eu hunain yn chwarae yn erbyn Rwsia ddwywaith i benderfynu pwy sy’n mynd drwodd. rownd nesaf y gemau rhagbrofol. Collodd Wcráin y ddwy gêm o 11-25 a 37-17.

Chwaraewyr[golygu | golygu cod y dudalen]

Mae'r rhanfwyaf o'r chwaraewyr yn chwarae i dimau Politchnic (sydd yn ninas Odesa), Olym (dinas Kharkiv a Epokha-Polytechnic (Kyiv).

Rhyfel Rwsia ar Wcráin 2022[golygu | golygu cod y dudalen]

Lladdwyd Oleksi Tsibko, cyn-gapten y tîm cenedlaethol, LLywydd Undeb Rybi Wcráin, a Maer Dinas Smela, ym mis Mawrth 2022 yn rhan o Rhyfel Rwsia ar Wcráin.[1] Bu farw Oleksi Tsibko, 55, yn ymladd yn erbyn lluoedd Rwseg ger tref Bucha ar 31 Mawrth. Aeth y mabolgampwr, a ddaeth yn llywydd Ffederasiwn Rygbi Wcrain rhwng 2003-2005, ymlaen i wasanaethu fel maer Smela o 2015-2018. Bu seremoni ffarwel er anrhydedd iddo gael ei chynnal ym mynwent Baykove Kyiv.[2]

Darlledwyd ffilm ar effaith ac ymateb chwaraewyr rygbi Wcráin ar sianel Youtube World Rugby gan ddangos y cefnogaeth cafwyd gan wledydd eraill.[3]

Cwpan y Byd[golygu | golygu cod y dudalen]

Record Cwpan y Byd Rhagbrofion Cwpan y Byd
Blwyddyn Cymal P W D L F A P W D L F A
AwstraliaSeland Newydd 1987 Rhan o'r Undeb Sofietaidd: ddim yn wlad annibynnol Rhan o'r Undeb Sofietaidd: ddim yn wlad annibynnol
Y Deyrnas UnedigIrelandFfrainc 1991 Rhan o'r Undeb Sofietaidd: ddim yn wlad annibynnol Rhan o'r Undeb Sofietaidd: Ddim yn annibynnol
De Affrica 1995 Heb gystadlu Heb gystadlu
Cymru 1999 Heb gymwyso 8 6 0 2 274 108
Awstralia 2003 4 3 0 1 100 54
Ffrainc 2007 12 0 0 12 105 618
Seland Newydd 2011 10 5 0 5 150 203
Lloegr 2015 10 5 0 5 267 228
Japan 2019 5 0 0 5 52 215
Ffrainc 2023 Gwaredwyd yn awtomatig
Cyfanswm 0/9 0 0 0 0 0 0 49 19 0 30 948 1426

Dolenni[golygu | golygu cod y dudalen]

Cyfeiriadau[golygu | golygu cod y dudalen]

  1. Nodyn:Cite ref
  2. "Ex-Ukrainian national rugby team captain, 55, dies defending his country". Metro. 6 Ebrill 2022.
  3. "Rugby in Ukraine: How Life Has Changed!". Sianel Youtube World Rugby. 18 Mawrth 2022.


Rugby Union Stub.svg Eginyn erthygl sydd uchod am rygbi'r undeb. Gallwch helpu Wicipedia drwy ychwanegu ato.