Robin goch

Oddi ar Wicipedia
(Ailgyfeiriad oddi wrth Robin Goch)
Neidio i: llywio, chwilio
Robin goch
Rouge gorge familier - crop (WB correction).jpg
ErithacusRubecula.jpg
Delwedd:European Robin (Erithacus rubecula) (W1CDR0001425 BD16).ogg, Erithacus rubecula.ogg
Statws cadwraeth
Dosbarthiad gwyddonol
Teyrnas: Animalia
Ffylwm: Chordata
Dosbarth: Aves
Urdd: Passeriformes
Teulu: Muscicapidae
Genws: Erithacus[*]
Rhywogaeth: Erithacus rubecula
Enw deuenwol
Erithacus rubecula
(Linnaeus, 1758)
Dosbarthiad y rhywogaeth

Mae'r Robin goch (Erithacus rubecula) yn un o'r mwyaf adnabyddus o'r holl adar. Arferai gael ei ystyried yn aelod o deulu'r Turdidae, y bronfreithod, ond yn ddiweddar mae wedi ei ail-ddosbarthu i deulu'r Muscicapidae.

Mae'n aderyn cyfarwydd am ei fod yn hawdd ei adnabod gyda'i frest goch, ac am ei fod yn aderyn dof yn Ynysoedd Prydain, yn barod i ddod yn agos iawn at unrhyw un sy'n gweithio yn yr ardd, er enghraifft, i chwilio am bryfed. Ambell dro mae hyd yn oed yn barod i ddod i mewn i dai i gael ei fwydo. Mewn rhannau o'r gweddill o Ewrop nid yw mor ddof.

Erithacus rubecula

Yn anarferol, mae'r Robin Goch yn canu trwy'r flwyddyn, nid yn y gwanwyn yn unig. Mae'r gân yn yr hydref a'r gaeaf yn wahanol i'r gân yn y gwanwyn a'r haf. Mae'n nythu mewn unrhyw dwll neu gornel addas. Gall fod yn aderyn ymosodol dros ben - os daw Robin Goch arall i mewn i'w diriogaeth gallant weithiau ymladd nes i un ladd y llall. Gall unrhyw ddarn bach o liw coch wneud i'r aderyn ymosod.

Nid yw'n aderyn mudol yn y rhannau hynny lle nad yw'r gaeaf yn arbennig o oer, ond er enghraifft mae adar o Sgandinafia a Rwsia yn dod i Brydain i aeafu. Gellir eu hadnabod trwy fod y fron yn fwy oren yn hytrach na choch.

Mae llawer o chwedloniaeth ynglŷn â'r Robin Goch, er enghraifft i egluro sut y cafodd ei fron goch. Ystyrir y Robin yn symbol o'r Nadolig, ac mae i'w weld yn aml ar gardiau Nadolig. Mae'n aderyn cyffredin iawn yng Nghymru, ac ychydig o erddi sydd heb Robin Goch o'u cwmpas. Dyma englyn gan Alan Llwyd sy'n creu darlun o blentyn newynog:

Newyn, a ni'n ciniawa, yw ei ran

Ymgreiniwr am fara!
Colsyn ar ewyn yr iâ
A'i big oer yn begara.[1]

Teulu'r Turdidae (Robinod)[golygu | golygu cod y dudalen]

Rhestr Wicidata:


rhywogaeth enw tacson delwedd
Bronlas Luscinia svecica
Luscinia svecica volgae.jpg
Eos Luscinia megarhynchos
Nachtigall (Luscinia megarhynchos)-2.jpg
Eos fraith Luscinia luscinia
Luscinia luscinia vogelartinfo chris romeiks CHR3635.jpg
Gwybedog jyngl aelwyn Vauriella gularis
TrichostomaGulareSmit.jpg
Gwybedog jyngl Luzon Vauriella insignis
Gwybedog jyngl Mindanao Vauriella goodfellowi
IanthiaGoodfellowiGronvold.jpg
Larvivora cyane Larvivora cyane
Luscinia cyane - Khao Yai.jpg
Robin las India Larvivora brunnea
Robin Swinhoe Larvivora sibilans
Luscinia sibilans - Khao Yai.jpg
Robin Ynysoedd Ryukyu Larvivora komadori
Erithacus komadori - National Museum of Nature and Science, Tokyo - DSC07033.JPG
Tingoch torwyn Hodgsonius phoenicuroides
Hodgsonius phaenicuroides 2.jpg
Diwedd y rhestr a gynhyrchwyd yn otomatig o Wicidata.
  1. Edrych Drwy Wydrau Lledrith gan Alan Llwyd (Gwasg Christopher Davies (5); tud 18.