Richard Francis Burton
Richard Francis Burton | |
---|---|
![]() | |
Ganwyd | 19 Mawrth 1821 ![]() Torquay, Dyfnaint ![]() |
Bu farw | 20 Hydref 1890 ![]() Trieste ![]() |
Dinasyddiaeth | y Deyrnas Unedig ![]() |
Alma mater | |
Galwedigaeth | cyfieithydd, fforiwr, ysgrifennwr, bardd, diplomydd, person milwrol, ethnolegydd, ieithydd, mapiwr, hanesydd, swolegydd, ysbïwr, anthropolegydd, teithiwr, naturiaethydd ![]() |
Arddull | travel literature ![]() |
Tad | Joseph Netterville Burton ![]() |
Mam | Martha Baker ![]() |
Priod | Isabel Burton ![]() |
Gwobr/au | Marchog-Cadlywydd Urdd Saint Mihangel a Sant Siôr, Medal y Sefydlydd, Grande Médaille d'Or des Explorations, Medal Rhyfel y Crimea (Prydain), Cymrodoriaeth y Gymdeithas Ddaearyddol Frenhinol ![]() |
llofnod | |
![]() |
Daearyddwr, fforiwr, cyfieithydd, llenor, milwr, dwyreinydd, cartograffydd, ethnolegydd, ysbïwr, ieithydd, bardd, cleddyfwr, a diplomydd o Sais oedd y Capten Syr Richard Francis Burton KCMG FRGS (19 Mawrth 1821 – 20 Hydref 1890). Roedd yn enwog am ei deithiau yn Asia, Affrica a'r Amerig yn ogystal â'i wybodaeth eang o ieithoedd a diwylliannau. Yn ôl un gyfrif, yr oedd yn medru siarad 29 o ieithoedd Ewropeaidd, Asiaidd ac Affricanaidd.
Ymhlith ei gampau enwocaf yw teithio mewn cuddwisg i Mecca, cyfieithu'r Mil ac un o nosweithiau o'r Arabeg i'r Saesneg mewn argraffiad heb ei sensro, cyhoeddi'r Kama Sutra yn Saesneg, a theithio â John Hanning Speke dan arweiniad y tywysydd Sidi Mubarak Bombay i ymweld â Llynnoedd Mawr Affrica wrth chwilio am darddiad Afon Nîl. Beirniadodd Burton bolisïau trefedigaethol yn ei waith, er anfantais i'w yrfa. Roedd yn awdur toreithiog a dysgedig ac ysgrifennodd nifer o lyfrau ac erthyglau ysgolheigaidd ar bynciau gan gynnwys ymddygiad dynol, teithio, hebogyddiaeth, cleddyfa, ymddygiad rhywiol, ac ethnograffeg. Nodwedd unigryw o'i lyfrau yw'r troednodion ac atodiadau helaeth sy'n cynnwys sylwadau nodedig a gwybodaeth gyflawn.
Roedd yn gapten ym myddin Cwmni Prydeinig India'r Dwyrain a gwasanaethodd yn India, ac am gyfnod byr yn Rhyfel Crimea. Wedi hyn cafodd ei gyflogi gan y Gymdeithas Ddaearyddol Frenhinol i fforio arfordir dwyreiniol Affrica a daeth yn yr Ewropead cyntaf i weld Llyn Tanganyika. Yn hwyrach gwasanaethodd fel conswl dros Brydain yn Fernando Po, Santos, Damascus a Trieste. Roedd yn Gymrawd y Gymdeithas Ddaearyddol Frenhinol a chafodd ei urddo'n farchog (KCMG) ym 1886.
Cyfeiriadau[golygu | golygu cod]
- Amlieithyddion
- Beirdd Seisnig y 19eg ganrif
- Beirdd Seisnig yn yr iaith Saesneg
- Capteiniaid y Fyddin Brydeinig
- Cartograffwyr
- Cyfieithwyr
- Daearyddwyr Seisnig
- Diplomyddion Seisnig
- Ethnolegwyr
- Fforwyr y 19eg ganrif
- Fforwyr Seisnig
- Genedigaethau 1821
- Ieithyddion Seisnig
- Llenorion teithio Seisnig y 19eg ganrif
- Llenorion teithio Seisnig yn yr iaith Saesneg
- Marwolaethau 1890
- Milwyr Seisnig y 19eg ganrif
- Pobl fu farw o drawiad ar y galon
- Pobl o Ddyfnaint
- Ysbiwyr