Rhian Morgan
| Rhian Morgan | |
|---|---|
| Ganwyd | Cwm Tawe  |
| Dinasyddiaeth |  Cymru |
| Alma mater | |
| Galwedigaeth | actor |
Actores a digrifwraig Gymraeg yw Rhian Morgan. Ganwyd hi yng Nghwm Tawe.
Gyrfa
[golygu | golygu cod]Astudiodd Rhian ddrama ym Mhrifysgol Aberystwyth lle daeth o dan ddylanwad y ddiweddar Emily Davies.[1] Bu'n byw ac yn gweithio yng Nghaerdydd am gyfnod, ond mae bellach yn byw yn Llandeilo. Mae'n briod â'r cyflwynydd Aled Samuel ac mae ganddynt ddau fab, Ifan (g. 1995) a Mabon (g. 2002).
Daeth yn adnabyddus yn yr wythdegau am y cymeriad Carol Gwyther yn Pobol y Cwm gan adael y gyfres yn 1990.[2][3] Ar ddechrau'r nawdegau roedd yn un o'r perfformwyr ar y gyfres deledu ddychanol Pelydr X ar S4C.[4] Yn 2004 fe chwaraeodd ran Val Vivaldi yn y gyfres ddrama deledu fer Mine all Mine, a ysgrifennwyd gan Russell T. Davies, a'i darlledu ar ITV1.[3]
Yn 2014, enillodd wobr yr Actores Orau yng Ngwobrau Beirniaid Theatr Cymru am ei rhan fel Eileen Beasley yng nghynhyrchiad Theatr Genedlaethol Cymru, Dyled Eileen.[5]
Roedd yn chwarae Gwen Lloyd yng nghyfres ddrama Gwaith/Cartref ar S4C, ac yn 2015 enillodd wobr BAFTA Cymru am yr Actores Orau am ei rhan yn y gyfres.[6]
Soniodd ar raglen Beti a'i Phobol ym mis Ionawr 2023 ei bod wedi cael tröedigaeth ryw bum mlynedd ynghynt a'i bod bellach yn hyfforddi i fod yn offeiriad yn yr Eglwys yng Nghymru.[7]
Cyfeiriadau
[golygu | golygu cod]- ↑ Gŵyl Lenyddiaeth Dinefwr - Rhian Morgan Archifwyd 2016-03-05 yn y Peiriant Wayback; Adalwyd 2015-12-16
- ↑ Ateb y Galw: Rhian Morgan; BBC Cymru Fyw; Adalwyd 4 Ionawr 2016
- ↑ 3.0 3.1 Forever mine; Screen mum and hit comedy star, Rhian Morgan, tells Alun Prichard why breaking family ties is hard on and off screen, Daily Post; Adalwyd 4 Ionawr 2016
- ↑ CV Geraint Lewis Archifwyd 2016-06-29 yn y Peiriant Wayback; Adalwyd 4 Ionawr 2016
- ↑ Gwobrau Beirniaid Theatr Cymru'n mynd 'o nerth i nerth'; Adalwyd 2015-12-16
- ↑ Cyhoeddi enillwyr BAFTA Cymru; Adalwyd 2015-12-16
- ↑ Taith yr actores Rhian Morgan i fod yn offeiriad yn yr eglwys; Adalwyd 2023-01-14
Dolenni allanol
[golygu | golygu cod]- Rhian Morgan ar wefan Internet Movie Database