Marie de France

Oddi ar Wicipedia
Jump to navigation Jump to search
Marie de France
Marie de France 1.tif
Ynganiad LL-Q150 (fra)-Exilexi-Marie de France.wav Edit this on Wikidata
Ganwyd 12G Edit this on Wikidata
Llydaw Edit this on Wikidata
Bu farw 13G Edit this on Wikidata (100 oed)
Dinasyddiaeth Ffrainc Edit this on Wikidata
Galwedigaeth Bardd, Ysgrifennwr, cyfieithydd Edit this on Wikidata
Mudiad Medieval poetry Edit this on Wikidata

Llenor o ail hanner y 12g a aned yn Ffrainc ac sy'n adnabyddus fel awdures cyfres o gerddi Ffrangeg ar themâu chwedlonol yw Marie de France (fl. diwedd y 12g - dechrau'r 13g). Credir iddi gael ei geni yng ngogledd Ffrainc, efallai yn Normandi, ac iddi dreulio cyfnod sylweddol o'i hoes yng nghylchoedd Normanaidd Lloegr. Mae cynnwys rhai o'i cherddi yn dangos cysylltiad â Llydaw a'i thraddodiadau hefyd.

Dynes ddiwylliedig oedd Marie, yn medru Ffrangeg, Saesneg a Lladin, ac yn gyfarwydd â thraddodiadau Llydewig am gylch y Brenin Arthur yn ogystal â llenyddiaeth Ladin ganoloesol a chlasurol. Mae rhai ysgolheigion wedi ceisio dangos ei bod yn hanner-chwaer i'r brenin Plantagenaidd Harri II ac iddi fod yn abades ar Abaty Shaftesbury rhwng 1181 a 1215.

Gweithiau llenyddol[golygu | golygu cod y dudalen]

Ei gwaith enwocaf yw ei Laïs (cerddi naratifol) am gariad a rhamant o naws ryfeddol a swynol, y credir bod rhai ohonynt yn deillio o ddeunydd "Celtaidd" (h.y. Llydewig). Ceir deuddeg ohonynt, sef:

  • Guigemar
  • Equitan
  • Le Fresne, chwedl ryngwladol am y ferch Griselda
  • Bisclavert
  • Lanval, stori am un o farchogion Arthur sy'n sôn am Gaerlyr (fersiwn Saesneg Canol: Sir Launfal)
  • Les Deus Amanz
  • Yonec, a leolir yn Ne Cymru
  • Laüstic
  • Milun, a leolir yn Ne Cymru
  • Chaitivel
  • Chevrepoil (neu Chèvrefeuil), chwedl am Drystan ac Esyllt a leolir yng Nghernyw
  • Eliduc

Cyfansoddodd hefyd Esope, casgliad o gerddi seiliedig ar foeschwedlau Aesop. Mewn llawysgrifau diweddarach cafwyd yr enw Isopet (ney Ysopet) a daeth hyn i'w arfer fel enw am gasgliadau canoloesol o'r fath yma o chwedlau. Cyfansoddodd hefyd fersiwn Ffrangeg Normanaidd o chwedl Purdan Padrig.

Llyfryddiaeth[golygu | golygu cod y dudalen]

  • Marie de France: Lais, gol. A. Ewert (Rhydychen, 1947, 1960)

Dolenni allanol[golygu | golygu cod y dudalen]