Mair Tomos Ifans
| Mair Tomos Ifans | |
|---|---|
 | |
| Ganwyd | Ebrill 1960 Abergynolwyn, Gwynedd |
| Llysenw/au | Mair Harlech |
| Dinasyddiaeth | Cymraes |
| Alma mater | Prifysgol Cymru, Bangor, Coleg Brenhinol Cerdd a Drama Cymru, Caerdydd |
| Galwedigaeth | Actores, storïwraig a chantores werin |
Actores, cantores a chyfarwydd / storïwraig o Gymru yw Mair Tomos Ifans (ganwyd Ebrill 1960).[1] Cafodd ei magu yn Abergynolwyn a Harlech. Astudiodd yng Ngholeg Prifysgol Bangor ac yng Ngholeg Cerdd a Drama Cymru.
Roedd yn un o sefydlwyr Cwmni'r Frân Wen.[2] Mae hi wedi ymddangos ar lwyfannau a sgriniau Cymru ers y 1980au, yn fwyaf diweddar yn y cyfresi Rybish a Bariau ar S4C.
Gall ganu'r delyn, y piano, y gitar a theulu'r recorder. Enillodd nifer o wobrau am ganu, gan gynnwys Gwobr Goffa Lady Herbert Lewis am ganu gwerin yn Eisteddfod Genedlaethol Bro Morgannwg yn 2012 a Gwobr Goffa Elfed Lewys am ganu baled wreiddiol yn Eisteddfod Genedlaethol y Bala yn 2009.[2]
Yn yr 1980au, roedd yn aelod o'r grwp roc Pryd Ma' Te ? (PMT) yn chwarae'r gitâr fâs.
Ddiwedd yr 1990au, fe dreuliodd hi gyfnod yn byw ac yn gweithio ar Ynys Enlli.[3]
Mae Mair wedi bod yn gyfarwydd / storïwraig ers dros ugain mlynedd, gan ganolbwyntio ar gyflwyno straeon, caneuon, ac arferion traddodiadol Cymru.[4][5]
Cynyrchiadau
[golygu | golygu cod](Detholiad)
Theatr
[golygu | golygu cod]- Zwmba! (1986) Theatr Bara Caws
- Fel Paent yn Sychu (1988) Theatr Crwban
- Enoc Huws (1989) Cwmni Theatr Gwynedd
- Yma o Hyd (1989) Hwyl a Fflag
- Leni (1990) Cwmni Theatr Gwynedd
- Cai (1991) Arad Goch
- Hyn oll yn ei Dwylo Arad Goch
- Yn ein Dwylo (1992) Arad Goch
- Trwy'r Tannau (2024)
Teledu a ffilm
[golygu | golygu cod]- Traed Mewn Cyffion
- Leni (1990)
- Rybish
- Bariau (2023-2024)
Llyfrau
[golygu | golygu cod]- Caneuon Ffaldi-Rwla-la
- Nadolig yn Rwla
- Rala la la - Caneuon o Wlad y Rwla
- Chwarae'r Gêm (2012)
Cyfeiriadau
[golygu | golygu cod]- ↑ "Mair Tomos IFANS personal appointments - Find and update company information - GOV.UK". find-and-update.company-information.service.gov.uk (yn Saesneg). Cyrchwyd 2024-09-24.
- ↑ 2.0 2.1 "Manylion Mair Tomos Ifans o wefan Y Lolfa".
- ↑ "Ynys Enlli / Bardsey Island - (English below) Mae'r Eisteddfod Genedlaethol ym Moduan yn cychwyn penwythnos yma! ..." www.facebook.com. Cyrchwyd 2024-09-24.
- ↑ "Storïau, Cân a Thelyn gyda'r storïwr Cymraeg Mair Tomos Ifans -…". Oriel Davies Gallery. Cyrchwyd 2024-09-24.
- ↑ "Mair Tomos Ifans". Barddas: Y Gymdeithas Gerdd Dafod. Cyrchwyd 2024-09-24.