Julia Franck

Oddi ar Wicipedia
Jump to navigation Jump to search
Julia Franck
Julia Franck 1.jpg
Ganwyd 20 Chwefror 1970 Edit this on Wikidata
Dwyrain Berlin Edit this on Wikidata
Dinasyddiaeth Baner Yr Almaen Yr Almaen
Galwedigaeth ysgrifennwr, rhyddieithwr Edit this on Wikidata
Adnabyddus am Lagerfeuer, Die Mittagsfrau Edit this on Wikidata
Gwobr/au Ysgoloriaeth Alfred Döblin, Gwobr Marie Luise Kaschnitz, Gwobr Booker yr Almaen, Gwobr y Meic Agored Edit this on Wikidata
Gwefan http://www.juliafranck.de/site/julia_franck/home Edit this on Wikidata

Awdures Almaenig yw Julia Franck (ganwyd 20 Chwefror 1970).

Y dyddiau cynnar[golygu | golygu cod y dudalen]

Fe'i ganed yn un o efeilliaid yn Nwyrain Berlin ar 20 Chwefror 1970. Mae'n ferchi i'r actores Anna Franck a'i thad yw'r cynhyrchydd teledu Jürgen Sehmisch.

Yn 1978 symudodd y teulu i Orllewin Berlin lle treuliodd naw mis mewn gwersyll ffoaduriaid ac yna i Schleswig-Holstein, sef y dalaith mwyaf gogleddol yn yr Almaen. Astudiodd Franck lenyddiaeth Almaeneg ac Astudiaethau Americanaidd ym Mhrifysgol Rydd Berlin a threuliodd beth amser yn yr Unol Daleithiau, Mecsico a Gwatemala. Gweithiodd fel golygydd ar gyfer Sender Freies Berlin a chyfrannodd at bapurau newydd a chylchgronau amrywiol. Yn 2019 roedd yn byw gyda'i phlant yn Berlin. [1][2]

Y llenor[golygu | golygu cod y dudalen]

Ymhlith y gwaith pwysig a nodedig yr ysgrifennodd y mae: Lagerfeuer a Die Mittagsfrau.

Hyd at 2019, roedd Franck yn awdur pum nofel, un casgliad o storiau byrion, a golygydd casgliad o draethodau. Mae ei thair nofel ddiweddaraf: Lagerfeuer, Die Mittagsfrau, a Rücken an Rücken, yn ogystal â'r casgliad Grenzübergänge, yn ymwneud yn benodol â hanes yr Almaen yn yr 20g. Mae Lagerfeuer wedi'i lleoli yng ngwersyll ffoaduriaid Gorllewin Berlin, sef y Berlin-Marienfelde yn y 1970au ac mae'n dilyn pedwar prif gymeriad, un ohonynt, Nelly Senff, wedi ffoi i Ddwyrain Berlin gyda'i ddau blentyn ifanc. Mae Rücken an Rücken hefyd wedi'i lleoli yn ystod y blynyddoedd pan godwyd Mur Berlin, gan ddiweddu yn y 1960au cynnar ac mae Die Mittagsfrau yn rhychwantu'r cyfnod rhwng y Rhyfel Byd Cyntaf a rhannu'r Almaen ar ddiwedd yr Ail Ryfel Byd.

Er nad yw Franck wedi disgrifio'i hun fel awdur ffeministaidd, mae ysgolheigion ffeministaidd wedi tanlinellau rhai agweddau perthnasol i ffeministiaeth e.e. profiadau menywod mewn hanes, strwythurau pŵer merched, rhywioldeb, a pherthnasoedd (megis mamolaeth).

Aelodaeth[golygu | golygu cod y dudalen]

Bu'n aelod o Ganolfan PEN yr Almaen am rai blynyddoedd. [3]

Anrhydeddau[golygu | golygu cod y dudalen]


Cyfeiriadau[golygu | golygu cod y dudalen]

  1. Rhyw: Ffeil Awdurdodi Rhyngwladol, dynodwr VIAF 32232813, https://viaf.org/, adalwyd 4 Tachwedd 2018Wikidata Q54919 Deutsche Nationalbibliothek; Berlin State Library; Bavarian State Library; Austrian National Library, https://www.dnb.de/EN/Home/home_node.html Gemeinsame Normdatei, https://www.dnb.de/gnd, https://www.dnb.de/EN/Home/home_node.html, adalwyd 9 Ebrill 2014Wikidata Q36578
  2. Dyddiad geni: Deutsche Nationalbibliothek; Berlin State Library; Bavarian State Library; Austrian National Library, https://www.dnb.de/EN/Home/home_node.html Gemeinsame Normdatei, GND 115651470, https://www.dnb.de/gnd, https://www.dnb.de/EN/Home/home_node.html, adalwyd 21 Gorffennaf 2015Wikidata Q36578 Internet Movie Database, dynodwr IMDb nm2368513, https://www.imdb.com/, adalwyd 13 Hydref 2015Wikidata Q37312
  3. Man gwaith: Deutsche Nationalbibliothek; Berlin State Library; Bavarian State Library; Austrian National Library, https://www.dnb.de/EN/Home/home_node.html Gemeinsame Normdatei, https://www.dnb.de/gnd, https://www.dnb.de/EN/Home/home_node.html, adalwyd 2 Ebrill 2015Wikidata Q36578