John Walter Jones

Oddi ar Wicipedia
Jump to navigation Jump to search
John Walter Jones
Ganwyd Mawrth 1946 Edit this on Wikidata
Dinasyddiaeth Baner Cymru Cymru
Alma mater
Galwedigaeth gwas sifil Edit this on Wikidata

Cyn was sifil yw John Walter Jones (ganwyd Mawrth 1946).[1] Roedd yn Brif Weithredwr cyntaf Bwrdd yr Iaith Gymraeg, a bu yn y swydd rhwng 1993 a 2004.[2]

Addysg[golygu | golygu cod y dudalen]

Ganwyd John Walter Jones ym Moelfre, Ynys Môn[3] a fe'i haddysgwyd yn Ysgol Friars ym Mangor.

Astudiodd economeg yn Athrofa Gwyddoniaeth a Thechnoleg Prifysgol Cymru (nawr yn rhan o Brifysgol Caerdydd).[3]

Gyrfa[golygu | golygu cod y dudalen]

Bu'n was sifil rhwng 1971 ac 1988, ac fe weithiodd yn y Swyddfa Gymreig yng Nghaerdydd a Llundain, lle'r oedd yn ysgrifennydd preifat i dri gweinidog.

Yn 1981 roedd John yn gyfrifol am sefydlu cyfundrefn gyntaf y Llywodraeth ar gyfer rhoi grantiau i gefnogi'r iaith Gymraeg ac yn 1988 fe'i secondiwyd i sefydlu Bwrdd yr Iaith Gymraeg anstatudol. Daeth yn Brif Weithredwr cyntaf y Bwrdd statudol yn 1993.

Ymddeolodd John o Fwrdd yr Iaith Gymraeg yn 2004,[4] a'r flwyddyn honno fe'i hurddwyd yn aelod o Orsedd yr Eisteddfod Genedlaethol yng Nghasnewydd. Yn yr un flwyddyn derbyniodd Order of the British Empire (OBE) am "wasanaethau i'r Iaith Gymraeg".

Yn Ebrill 2006, fe'i hapwyntiwyd fel cadeirydd Awdurdod S4C.[5] Fe ymddeolodd yn Rhagfyr 2010 mewn ychydig o ddryswch am ei fod wedi bwriadu cadw'r ymddeoliad yn gyfrinach nes y Gwanwyn 2011.[6]

Rhwng Mawrth 2014 a Mawrth 2018, roedd yn cyflwyno rhaglen drafod a holi amser cinio ar BBC Radio Cymru.[7]

Bywyd Personol[golygu | golygu cod y dudalen]

Mae'n briod a Gaynor. Roedd ganddynt un ferch, Beca a bu farw yn 33 mlwydd oed yn 2010.[8]

Cyfeiriadau[golygu | golygu cod y dudalen]