John Dyfnallt Owen

Oddi ar Wicipedia
Jump to navigation Jump to search
John Dyfnallt Owen
Ganwyd 7 Ebrill 1873 Edit this on Wikidata
Llan-giwg Edit this on Wikidata
Bu farw 28 Rhagfyr 1956 Edit this on Wikidata (83 oed)
Galwedigaeth Bardd Edit this on Wikidata
Plant Meirion Dyfnallt Owen, Geraint Dyfnallt Owen Edit this on Wikidata

Gweinidog, llenor a bardd Cymraeg oedd John Dyfnallt Owen, enw barddol Dyfnallt (7 Ebrill 187328 Rhagfyr 1956).

Ganed Dyfnallt yn Llangiwg, Morgannwg, yn fab i Daniel ac Angharad Owen. Collodd ei fam pan oedd yn flwydd oed a magwyd ef gan rieni ei dad. Addysgwyd ef Nghwmllynfell a bu'n lowr am gyfnod, cyn mynd i Academi Parcyfelfed, Caerfyrddin, ac wedyn i Goleg Bala-Bangor yn 1894. Daeth yn wedinidog i'r Annibynwyr ym mhentref Trawsfynydd o 1898 hyd 1902, a bu'n ddylanwad ar Hedd Wyn. Symundodd wedyn i Deiniolen, lle bu hyd 1905, gan ddod i adnabod T. Gwynn Jones a W. J. Gruffydd. Yn 1904 priododd Annie Hopkin, gan gael dau o blant.

Yn 1905 symudodd i Bontypridd, a thra yno enillodd y goron yn Eisteddfod Genedlaethol Abertawe, 1907 am gerdd ar Y greal sanctaidd. Daeth yn aelod o'r Gyngres Geltaidd yn 1908. Yn 1910 symudodd i Gaerfyrddin, lle bu hyd ei ymddeoliad. Daeth yn olygydd Y Tyst yn 1927. Wedi'r Ail Ryfel Byd, rhoddodd loches yn ei gartref i Roparz Hemon, oedd wedi gorfod dianc o Lydaw. Etholwyd ef yn Archdderwydd yn 1954 yn Y Rhyl.

Cyhoeddiadau[golygu | golygu cod y dudalen]

  • Y greal a cherddi eraill (1946)
  • Ar y tŵr (1953)
  • O ben tir Llydaw (1934)
  • Min yr hwyr (1934)
  • Rhamant a rhyddid (1952)