Hergé
| Hergé | |
|---|---|
 | |
| Ffugenw | Hergé  |
| Ganwyd | Georges Remi 22 Mai 1907 Etterbeek |
| Bu farw | 3 Mawrth 1983 Woluwe-Saint-Lambert - Sint-Lambrechts-Woluwe |
| Man preswyl | Etterbeek, Etterbeek |
| Dinasyddiaeth | Gwlad Belg |
| Alma mater |
|
| Galwedigaeth | cartwnydd, ysgrifennwr, arlunydd comics, sgriptiwr, darlunydd, drafftsmon |
| Swydd | cyfarwyddwr celf |
| Cyflogwr |
|
| Adnabyddus am | Anturiaethau Tintin, Quick & Flupke, Jo, Zette and Jocko |
| Arddull | ligne claire |
| Prif ddylanwad | Three Men in a Boat, They and I, Roughing It, George McManus, Georges Colomb, Jean-Jacques Waltz, Alain Saint-Ogan |
| Mudiad | Q3577783 |
| Priod | Germaine Kieckens, Fanny Rodwell |
| Gwobr/au | Swyddog Urdd y Coron, Prix Saint-Michel, Will Eisner Hall of Fame |
| Gwefan | http://tintin.com/herge |
| Llofnod | |
 | |
Ffugenw cartwnydd Belgiadd oedd Hergé, ei enw llawn oedd Georges Prosper Remi (22 Mai 1907 – 3 Mawrth 1983). Daw ei ffugenw o ynganiad Ffrangeg o flaen lythrennau ei gyfenw a'i enw cyntaf, RG. Mae Hergé'n adnabyddus yn bennaf fel creawdr a darlunydd y cyfres cartŵn stribed Anturiaethau Tintin, ysgrifennodd a darluniodd y gyfres o 1929 hyd ei farwolaeth yn 1983, gan adael ei 24ydd llyfr yn anorffenedig. Mae ei waith yn dal i fod yn ddylanwad cryf ar gomigion, yn arbennig yn Ewrop. Sefydlwyd yn Neuadd Enwogion Llyfrau Comig yn 2003.
Mae priodweddau nodweddiadol straeon Tintin yn cynnwys eu dyneiddiaeth lliwgar, teimlad realistig a gynhyrchwyd drwy ymchwil manwl ac eang, a dull darlunio ligne claire Hergé. Mae darllenwyr hŷn yn mwynhau'r nifer o gyfeiriadau dychanol tuag at hanes a gwleidyddiaeth yr 20g sydd i'w cael yn y gwaith. Ysbrydolwyd Le Lotus bleu, er enghraifft, gan y digwyddiad Mukden a arweiniodd at ryfel Chino-Japaneaidd 1934. Gellir darllen Le Sceptre d'Ottokar yn erbyn cefndir Anschluss Hitler; tra bod albymau mwy diweddar megis L'Affaire Tournesol yn disgrifio'r Rhyfel Oer. Mae Hergé wedi dod yn un o'r Belgiaid enwocaf yn fyd-eang, mae Tintin yn dal i fwynhau llwyddiant rhyngwladol, gyda dau lyfr yn cael eu cyhoeddi yn y Gymraeg ym mis Hydref 2008.
Bywgraffiad[golygu | golygu cod y dudalen]
Ganwyd Georges Prosper Remi yn Etterbeek, ger Brwsel, Gwlad Belg yn 1907, yn fab i rieni dosbarth canol, Alexis ac Elisabeth Remi.
 | ||